ഗോരക്ഷാഗുണ്ടാ തലവനും കേസിലെ മുഖ്യപ്രതിയുമായ ബജറംഗ്ദള്‍ നേതാവ് അനില്‍ കൗശികിനെ സിയാനന്ദ് മിശ്ര ഫരീദാബാദ് ജയിലിലെത്തി സന്ദള്‍ശിച്ചിരുന്നു. ഈ സമയത്താണ് പ്രതികള്‍ ഇങ്ങനെ പറഞ്ഞതെന്ന് സിയാനന്ദ് മിശ്ര അറിയിച്ചു. 'അനില്‍ കൗശിക് എന്റെ കാലില്‍ തൊട്ട് മാപ്പുചോദിച്ചു. മകന്‍ മുസ്‌ലിമാണെന്ന് കരുതിയാണ് വകവരുത്തിയത്. ഒരു ബ്രാഹ്മണ വിദ്യാര്‍ഥിയെ കൊലപ്പെടുത്തിയതില്‍ അവര്‍ ഇപ്പോള്‍ ഖേദിക്കുന്നു'- അദ്ദേഹം പറഞ്ഞു.

'സണ്‍ഗ്ലാസ് ഒട്ടിച്ചതിനാലാണ് കാര്‍ ശ്രദ്ധിച്ചത്. സാധാരണ ഇത്തരം കാറുകള്‍ ഉപയോഗിക്കുന്നത് പശുക്കളെ കടത്താനാണ്. കാറിന്റെ ഉള്ളിലുള്ളവരുടെ മുഖം വ്യക്തമായി കാണാന്‍ പറ്റിയില്ല. എങ്കിലും ആര്യന്‍ തന്റെ നേരെ നോക്കി കൈകൂപ്പുന്നത് അവ്യക്തമായി കണ്ടു. എങ്കിലും നെഞ്ചിനു നേര്‍ക്ക് വെടിവയ്ക്കുകയായിരുന്നുവെന്ന് കൗശിക് പറഞ്ഞതായി മിശ്ര കൂട്ടിച്ചേര്‍ത്തു.

കഴിഞ്ഞമാസം 23നാണ് ഫരീദാബാദില്‍വച്ച് അഞ്ചംഗ തീവ്രഹിന്ദുത്വസംഘം 19 കാരനായ ആര്യന്‍ മിശ്രയെ കൊലപ്പെടുത്തിയത്. പ്രതികളായ അനില്‍ കൗശിക്, സൗരഭ്, വരുണ്‍, കൃഷ്ണ, ആദേശ് എന്നിവരെ 28നാണ് പൊലിസ് അറസ്റ്റ്‌ചെയ്തത്. കൊലയാളികളെ 27നാണ് സിയാനന്ദ് മിശ്ര ജയിലിലെത്തി കണ്ടത്. കൊലപാതകത്തില്‍ ഗോരക്ഷാസേനക്ക് പങ്കുണ്ടെന്ന് സംശയിക്കുന്നതായി പൊലിസ് അറിയിച്ചപ്പോള്‍ അത് വിശ്വസിക്കാതിരുന്ന മിശ്ര, വിവരം പുറത്തുവിടരുതെന്ന് അപേക്ഷിച്ചു. തുടര്‍ന്ന് പ്രതികളോട് സംസാരിക്കണമെന്ന് അഭ്യര്‍ഥിച്ചു. ഇതുപ്രകാരമാണ് പ്രതികളെ സന്ദര്‍ശിക്കാന്‍ മിശ്രയ്ക്ക് അവസരം ലഭിച്ചത്.

ഹരിയാനയിലെ ചാര്‍ഖി ദാദ്രിയില്‍ സാബിര്‍ മാലിക് എന്ന ബംഗാളി തൊഴിലാളിയെ ബീഫ് കഴിച്ചുവെന്ന് ആരോപിച്ച് ഗോരക്ഷാഗുണ്ടകള്‍ അടിച്ചുകൊന്നതിന് തൊട്ടുമുമ്പാണ് ആര്യന്‍ മിശ്ര കൊല്ലപ്പെട്ടത്. ഗുണ്ടാപിരിവിന്റെ പേരില്‍ നടന്ന കൊലപാതകമാണെന്നാണ് പൊലിസ് ആദ്യം സംശയിച്ചത്. എന്നാല്‍ ആര്യന്റെ കാറില്‍ പശുക്കളെ കടത്തുകയായിരുന്നുവെന്ന് സംശയിച്ചാണ് വെടിവെച്ചതെന്ന് പ്രതികള്‍ മൊഴിനല്‍കിയതോടെയാണ് സംഭവം പുറത്തായത്.

Confession by cow goon highlights a tragic case where 19-year-old Aryan Mishra was wrongfully murdered. The brutal killing, driven by mistaken identity and violent extremism, underscores the grave consequences of unchecked vigilante actions