തിരുവനന്തപുരം: ഗുരുതര ആരോപണങ്ങൾ നേരിടുന്ന എ.ഡി.ജി.പി എം.ആർ അജിത് കുമാറിനെ മാറ്റാൻ സി.പി.എമ്മിൽ നിന്നും എൽ.ഡി.എഫിൽ നിന്നും സമ്മർദം ഉയരുമ്പോഴും നടപടി എടുക്കാതെ മൗനം തുടർന്ന് മുഖ്യമന്ത്രി പിണറായി വിജയൻ. ആർ.എസ്‌.എസ്‌ നേതാക്കളുമായി അജിത് കുമാർ നടത്തിയ കൂടിക്കാഴ്ച ഗൗരവകരമെന്നും നടപടി വേണം എന്നുമാണ് ഉയരുന്ന ആവശ്യം. സ്വകാര്യ സന്ദർശനം എന്ന അജിത് കുമാറിൻറെ വിശദീകരണം ഇടത് നേതാക്കൾ പോലും തള്ളിയിട്ടും മുഖ്യമന്ത്രി ഇപ്പോഴും തീരുമാനമെടുക്കാതെ തുടരുകയാണ്.

പ്രതിപക്ഷം, സി.പി.ഐ ഉൾപ്പെടെ ഗുരുതര ആരോപണങ്ങളും വെളിപ്പെടുത്തലും നടത്തിയിട്ടും മുഖ്യമന്ത്രി നടപടി എടുക്കാത്തതിൽ പ്രതിഷേധം ശക്തമാവുകയാണ്. 2023 മെയ് 22ന് ആയിരുന്നു ആർ.എസ്.എസ് ജനറൽ സെക്രട്ടറിയുമായി എം.ആർ അജിത് കുമാർ കൂടിക്കാഴ്ച നടത്തിയത്. ഇതിന് പിന്നാലെ, 10 ദിവസത്തിനു ശേഷം ആർ.എസ്.എസ് നേതാവ് റാം മാധവിനെ കോവളത്ത് വെച്ചും അജിത് കുമാർ കണ്ടു. രണ്ട് കൂടിക്കാഴ്ചകൾ നടന്നതും ഇന്റലിജൻസ് സർക്കാരിനെ ആ സമയത്ത് അറിയിച്ചിട്ടും നടപടി ഒന്നും ഉണ്ടായില്ല.

വിഷയത്തിൽ ഇതുവരെയും മാധ്യമങ്ങളെ കാണാനും മുഖ്യമന്ത്രി തയാറായിട്ടില്ല. വയനാട് ദുരന്തത്തിന്റെ ഘട്ടംമുതൽ ഹേമ കമ്മിറ്റി റിപ്പോർട്ട് ചർച്ചയായപ്പോൾ വരെ തുടർച്ചയായ ദിവസങ്ങളിൽ വാർത്താസമ്മേളനം വിളിച്ച മുഖ്യമന്ത്രി തന്റെ വിശ്വസ്തർക്കെതിരേ ഗുരുതര ആരോപണം ഉയർന്ന് ദിവസങ്ങൾ പിന്നിട്ടിട്ടും യാതൊരു പ്രതികരണത്തിനും തയാറായിട്ടില്ല. കഴിഞ്ഞമാസം 20നാണ് മുഖ്യമന്ത്രി ഏറ്റവും ഒടുവിൽ വാർത്താസമ്മേളനം വിളിച്ചത്. അതിനുശേഷം 20 ദിവസം പിന്നിട്ടു. കഴിഞ്ഞയാഴ്ച കൊച്ചി അന്താരാഷ്ട്ര വിമാനത്താവളത്തിന്റെ എയ്റോ ലോഞ്ചിന് എത്തിയപ്പോൾ മുഖ്യമന്ത്രിയോട് മാധ്യമപ്രവർത്തകർ അജിത് കുമാറിനെതിരേ അൻവർ എം.എൽ.എ ഉന്നയിച്ച ആരോപണങ്ങൾ സംബന്ധിച്ച് ചോദിച്ചപ്പോൾ ചിരിച്ചു തള്ളുകയായിരുന്നു.

Despite mounting pressure from both the CPI(M) and LDF to remove ADGP M.R. Ajith Kumar, who is facing serious allegations, Kerala Chief Minister Pinarayi Vijayan remains silent, taking no action. There is a growing demand for action against Ajith Kumar, following reports of a significant meeting he held with RSS leaders. His explanation that the meeting was a private visit has been rejected even by left-wing leaders, yet the Chief Minister has not made any decision.