തൃക്കരിപ്പൂര്‍: വലിയപറമ്പ ഗ്രാമപഞ്ചായത്ത്, കുടുംബശ്രീ സി.ഡി.എസ്, മഹിളാ സശാക്തീകരണ പരിയോജന രണ്ടാംഘട്ട പരിശീലന പരിപാടിക്ക് തുടക്കമായി. ഇടയിലക്കാട് നടന്ന പരിപാടി സബ് കലക്ടര്‍ മൃണ്‍മയി ജോഷി ഉദ്ഘാടനം ചെയ്തു. എം.ടി അബ്ദുല്‍ ജബ്ബാര്‍ അധ്യക്ഷനായി. ഭക്ഷ്യ സുരക്ഷാ ഫാക്കല്‍റ്റി സന്തോഷ് അറക്കല്‍ ഭക്ഷ്യസുരക്ഷാ ക്ലാസെടുത്തു. കുടുംബശ്രീ മിഷന്‍ ജില്ലാ കോര്‍ഡിനേറ്റര്‍ അബ്ദുല്‍ മജീദ് ചെമ്പരിക്ക മുഖ്യാഥിതിയായിരുന്നു. ജില്ലാ കണ്‍സല്‍ട്ടന്റ് ഷൈജു പദ്ധതി വിശദീകരിച്ചു. പഞ്ചായത്ത് വൈസ്പ്രസിഡന്റ്  എ.വി സരോജിനി, വിജയന്‍,സ്ഥിരം സമിതി അധ്യക്ഷന്‍മാരായ സുമകണ്ണന്‍, സുഹറ സംസാരിച്ചു. തുടര്‍ന്ന് ഭക്ഷ്യമേള, നാടന്‍ പാട്ട്, തിരുവാതിര എന്നിവ അരങ്ങേറി.