കടലൂര്‍: തമിഴ്‌നാട് കടലൂരില്‍ വാഹനാപകടത്തില്‍ അഞ്ച് പേര്‍ മരണപ്പെട്ടു. രണ്ട് സ്ത്രീകളും മൂന്ന് ആണ്‍കുട്ടികളുമാണ് മരിച്ചത്. കാറും ലോറിയും കൂട്ടിയിടിച്ചാണ് അപകടം ഉണ്ടായത്. മരിച്ചവര്‍ മയിലാടുതുറ സ്വദേശികളെന്നാണ് ലഭിക്കുന്ന വിവരം. രോഗിയായ ബന്ധുവിനെ സന്ദര്‍ശിക്കാനായി പോയതായിരുന്നു ഇവര്‍. തിരിച്ചുവരുമ്പോഴാണ് അപകടം നടന്നത്. അപകടത്തില്‍ കാര്‍ തകര്‍ന്നിരുന്നു.