ന്യൂഡല്‍ഹി: ഓണത്തിന് നാട്ടിലെത്താൻ ഉൾപ്പെടെ പുറപ്പെട്ട യാത്രക്കാരെ വലച്ച എയര്‍ ഇന്ത്യ എക്‌സ്പ്രസിന്റെ ഡല്‍ഹി- കൊച്ചി വിമാനം ഒടുവിൽ പുറപ്പെട്ടു. വിമാനം 12 മണിക്കൂര്‍ വൈകിയാണ് ഡല്‍ഹിയില്‍ നിന്ന് വിമാനം ടേക്ക് ഓഫ് ചെയ്തത്. ഇന്നലെ രാത്രി 8.55നു പുറപ്പടേണ്ട വിമാനമാണ് മണിക്കൂറുകൾ വൈകി ഇന്ന് രാവിലെ ഒമ്പതിന് പുറപ്പെട്ടത്.

വിമാനം അനിശ്ചിതമായി വൈകിയതോടെ ഓണത്തിന് നാട്ടിലേക്ക് പോകുന്ന മലയാളികളടക്കം നിരവധി യാത്രക്കാരാണ് വിമാനത്താവളത്തില്‍ കുടുങ്ങിയത്. വിമാനം വൈകുന്നതിന്റെ കാരണം എയര്‍ ഇന്ത്യ എക്‌സ്പ്രസ് അധികൃതര്‍ വ്യക്തമാകാത്തിരുന്നത് യാത്രക്കരിൽ ആശങ്ക സൃഷ്ട്ടിച്ചു. രാവിലെ 6 മണിക്ക് വിമാനം പുറപ്പെടും എന്നാണ് അവസാനമായി അധികൃതർ അറിയിച്ചതെങ്കിലും പുറപ്പെട്ടത് ഒമ്പത് മണിക്ക് മാത്രമാണ്. 

ഇന്നലെ വൈകുന്നേരം മുതൽ വിമാനത്താവളത്തിൽ എത്തിയ യാത്രക്കാരിൽ മിക്കവാറും ഏറെ ക്ഷീണിതരാണ്. വിമാനം എപ്പോള്‍ പുറപ്പെട്ടും എന്നത് സംബന്ധിച്ച് ഒരു അറിയിപ്പും നൽകാതെ മണിക്കൂറുകൾ പിന്നിട്ടതോടെ ഉറങ്ങാൻ പോലും കഴിയാത്ത അവസ്ഥയിലായിരുന്നു യാത്രക്കാർ. ഇവർക്ക് ഭക്ഷണമോ മറ്റ് സൗകര്യമോ ഒന്നും അധികൃതര്‍ ഒരുക്കി നൽകാത്തത് യാത്രക്കാരുടെ പ്രതിഷേധത്തിനും ഇടയാക്കി. താമസ സൗകര്യം നൽകേണ്ടിവരുമെന്നതിനാലാണ് എപ്പോൾ പുറപ്പെടുമെന്ന കാര്യം അറിയിക്കാതിരിക്കുന്നതെന്നും യാത്രക്കാർ പരാതിപ്പെടുന്നു.

Air India Express' Delhi-Kochi flight, scheduled to depart at 8:55 PM last night, finally took off this morning at 9 AM, after a 12-hour delay. Many passengers, including those heading home to Kerala for Onam, were left stranded at the airport.