കൊല്‍ക്കത്ത: ആര്‍. ജി കര്‍ ഹോസ്പിറ്റലില്‍ ട്രെയിനി ഡോക്ടറെ ബലാത്സംഗം ചെയ്ത് കൊന്ന കേസില്‍ എഫ്.ഐ.ആര്‍ രജിസ്റ്റര്‍ ചെയ്യുന്നത് വൈകിപ്പിച്ച അന്വേഷണ ഉദ്യോഗസ്ഥന്‍ അഭിജിത് മൊണ്ടാലിനെ അറസ്റ്റ് ചെയ്തു. 

വസ്തുനിഷ്ഠമായ അന്വേഷണത്തിന് തടസം സൃഷ്ടിച്ചെന്ന കാരണത്തിലാണ് സി.ബി.ഐ സംഘം അഭിജിത്തിനെ അറസ്റ്റ് ചെയ്തത്. ആര്‍.ജി കര്‍ ആശുപത്രിയിലെ പ്രിന്‍സിപ്പലിനൊപ്പമാണ് നിലവില്‍ അന്വേഷണ ഉദ്യോഗസ്ഥനുമുള്ളത്. ഇരുവരെയും സെപ്റ്റംബര്‍ 17 വരെ സി.ബി.ഐ കസ്റ്റഡിയില്‍ വിടാന്‍ കോടതി അനുമതി നല്‍കിയിട്ടുണ്ട്. സംഭവത്തില്‍ സി.ബി.ഐ ഉടന്‍ റിപ്പോര്‍ട്ട് സമര്‍പ്പിക്കും. 

അതേസമയം, അഭിജിത് മൊണ്ടാലിനെ അനുകൂലിച്ചുകൊണ്ട് കൊല്‍ക്കത്ത അഡീഷണല്‍ കമ്മീഷണര്‍ രംഗത്തെത്തി. ഉദ്യോഗസ്ഥന്റെ ഭാഗത്ത് നിന്നും വീഴ്ച്ചകള്‍ പറ്റിയിട്ടില്ലെന്നും നീതിക്ക് വേണ്ടിയാണ് അന്വേഷണം നടത്തിയതെന്നും അദ്ദേഹം പറഞ്ഞു.

cbi arrest investigation officer of rg kar doctor murder case kolkatha