ന്യൂയോര്‍ക്ക്: പുതിയ ലോകത്തെ 'AI' പവര്‍ എന്നാല്‍ അമേരിക്കന്‍ ഇന്ത്യന്‍ സ്പിരിറ്റ് ആണെന്ന് പ്രധാനമന്ത്രി നരേന്ദ്ര മോദി.  യു.എസിലെ ലോങ് ഐലന്‍ഡില്‍ നസാവു കൊളീസിയം സ്റ്റേഡിയത്തില്‍ നടന്ന 'മോദിയു.എസ്' പരിപാടിയില്‍ ഇന്ത്യക്കാരുമായി സംവദിക്കുകയായിരുന്നു പ്രധാനമന്ത്രി.

'ലോകത്തെ സംബന്ധിച്ചിടത്തോളം എ.ഐ എന്നാല്‍ ആര്‍ട്ടിഫിഷ്യല്‍ ഇന്റലിജന്‍സാണ്. എന്നാല്‍ എന്നെ സംബന്ധിച്ചിടത്തോളം അത് അമേരിക്കയുടേയും ഇന്ത്യയുടേയും ഒത്തൊരുമ യാണ്. ഇവിടെയുള്ള ഇന്ത്യന്‍ പ്രവാസികളെ ഞാന്‍ അഭിവാദ്യം ചെയ്യുന്നു' മോദി പറഞ്ഞു. 

പ്രവാസികള്‍ ഇന്ത്യയുടെ ബ്രാന്‍ഡ് അംബാസഡര്‍മാരാണ്. അതുകൊണ്ടാണ് അവരെ 'രാഷ്ട്രദൂതര്‍' എന്ന് വിളിക്കുന്നത്. അവര്‍ കാരണമാണ് ഇന്ത്യ-യുഎസ് പങ്കാളിത്തം അഭിവൃദ്ധി പ്രാപിക്കുന്നത്. രണ്ട് മഹത്തായ ജനാധിപത്യ രാജ്യങ്ങളെ ഒന്നിപ്പിക്കുന്ന പാലമാണ് പ്രവാസികളെന്നും മോദി കൂട്ടിച്ചേര്‍ത്തു. ശേഷം മെഗാ ന്യൂയോര്‍ക്കില്‍ സംഘടിപ്പിച്ച വട്ടമേശ പരിപാടിയില്‍ മോദി പ്രമുഖ കമ്പനികളിലെ സി.ഒ.മാരുമായും നിരവധി ബിസിനസ് മേധാവികളുമായും പ്രധാനമന്ത്രി കൂടിക്കാഴ്ച നടത്തി.