ശരീഅത്തിൻ്റെ സംരക്ഷണമാണ് സമസ്ത കേരള ജംയ്യത്തുൽ ഉലമ നിർവഹിച്ചു കൊണ്ടിരിക്കുന്നതെന്ന് സമസ്ത കേരള ജംഇയ്യത്തുൽ ഉലമ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ പറഞ്ഞു. കൊൽക്കത്തയിൽ നടന്ന എസ്കെഎസ്എസ്എഫ് നാഷണൽ കോൺഫറൻസിന്റെ സമാപന പൊതുസമ്മേളനം ചെയ്ത് സംസാരിക്കുകയായിരുന്നു അദ്ദേഹം.പതിനാല് കീഴ്ഘടകങ്ങളും നിരവധി സ്ഥാപനങ്ങളും കഴിഞ്ഞ ഒരു നൂറ്റാണ്ട് കാലം നിർവ്വഹിച്ചതും ശരീഅത്തിൻ്റെ സംരക്ഷണമാണ്. അതോടൊപ്പം തന്നെ സാമുദായിക സൗഹാർദ്ദം ഉയർത്തിപ്പിടിക്കാനും സമുദായങ്ങൾക്കിടയിൽ പരസ്പരബന്ധം ഉണ്ടാകുന്നതിനുവേണ്ടി സമസ്ത ചെയ്ത പ്രവർത്തനങ്ങൾ വളരെ പ്രധാനമാണ്. വൈജ്ഞാനിക സാംസ്കാരിക ധൈഷണിക മേഖലയിൽകേരളത്തെ മാതൃകായോഗ്യമാക്കിയത് സമസ്തയുടെ സാന്നിധ്യമാണ്.
പ്രാഥമിക പാഠശാലകൾ, കോളജുകൾ, യൂണിവേഴ്സിറ്റി, എഞ്ചിനിയറിംഗ് കോളജുകൾ തുടങ്ങി മത-ഭൗതിക വിദ്യാഭ്യാസ സ്ഥാപനങ്ങൾ സ്ഥാപിച്ചു നടത്തുന്ന സമസ്ത ചാരിറ്റി പ്രവർത്തന മേഖലയിലും ശ്രദ്ധേയമായ പ്രവർത്തനങ്ങളാണ് നടത്തുന്നത്.

വയനാട്ടിലെ ദുരന്തം ഉണ്ടായ സമയത്ത് അവിടെ കക്ഷി ജാതി ഭേദമന്യേ എല്ലാവരെയും സഹായിക്കുകയാണ് സമസ്ത ചെയ്തത്. അഹ് ലുസുന്നത്തി വൽ ജമാഅത്തിൻ്റെ ആശയത്തിൽ സമുദായത്തെ മുന്നോട്ട് നയിക്കുന്ന സമസ്ത രാജ്യത്ത് സൗഹൃദവും പാരസ്പര്യവുമാണ് ഉണ്ടാക്കിയത്. വിശ്വാസിക്ക് സ്നേഹവും സഹിഷ്ണുതയും പഠിപ്പിച്ച മതമാണ് ഇസ്ലാം. അത് കൊണ്ടാണ് സമസ്തയുടെ നിലപാടുകൾ പരക്കെ ശ്ലാഘിക്കപ്പെടുന്നത്. ഈ കേരള മോഡൽ ദേശീയ തലത്തിലേക്ക് വ്യാപിപ്പിക്കുകയാണ് സമസ്തയുടെ ലക്ഷ്യം.

എസ്.കെ.എസ്.എസ്.എഫ്ദേശീയ തലത്തിൽ നടത്തുന്ന പ്രവർത്തനങ്ങൾ അഭിനന്ദനാർഹമാണെന്നും അഞ്ചാം ദേശീയ സമ്മേളനത്തിൻ്റെ ജനപങ്കാളിത്തം ആശാവഹമാണെന്നും തങ്ങൾ അഭിപ്രായപ്പെട്ടു.

Renowned Islamic scholar Syed Ul Ulema emphasizes the importance of preserving Shariah law as the core objective of Samastha, an organization dedicated to promoting Islamic values and principles.