ന്യൂഡല്‍ഹി: ഭര്‍തൃബലാത്സംഗം ക്രിമിനല്‍ കുറ്റമാക്കേണ്ടതില്ലെന്ന് കേന്ദ്രസര്‍ക്കാര്‍ സുപ്രീംകോടതിയില്‍. ഭര്‍തൃബലാത്സംഗം ക്രിമിനല്‍ കുറ്റമാക്കുന്നത് സുപ്രീംകോടതിയുടെ അധികാരപരിധിയില്‍ വരുന്നതല്ല, ഇത് നിയമ പരമായ പ്രശ്‌നത്തേക്കാള്‍ സാമൂഹികമായ പ്രശ്‌നമാണെന്നും, സമൂഹത്തെ നേരിട്ട് ബാധിക്കുന്നതാണെന്നും കേന്ദ്രം സുപ്രീംകോടതിയില്‍ വ്യക്തമാക്കി. ഇക്കാര്യത്തില്‍ കൂടിയോലോചനകള്‍ വേണമെന്നാവശ്യപ്പെട്ട് സുപ്രീംകോടതിയില്‍ കേന്ദ്രം സത്യവാങ്മൂലം സമര്‍പ്പിച്ചു.

ശരിയായ കൂടിയാലോചനകള്‍ നടത്താതെയോ എല്ലാ സംസ്ഥാനങ്ങളുടെയും അഭിപ്രായങ്ങള്‍ കണക്കിലെടുക്കാതെയോ ഈ പ്രശ്‌നത്തില്‍ തീരുമാനമെടുക്കാനാവില്ല. വിവാഹബന്ധത്തില്‍, പങ്കാളിയില്‍ നിന്നും ലൈംഗികബന്ധം പ്രതീക്ഷിക്കും. അതേസമയം പങ്കാളിയെ അവരുടെ ഇഷ്ടത്തിന് വിരുദ്ധമായി ലൈംഗിക ബന്ധത്തില്‍ ഏര്‍പ്പെടാന്‍ നിര്‍ബന്ധിക്കാനുള്ള അവകാശം ഭര്‍ത്താവിനില്ലെന്നും വിഷയത്തില്‍ ബലാത്സംഗവിരുദ്ധ നിയമപ്രകാരം ഒരാളെ ശിക്ഷിക്കുന്നത് അതിരുകടന്നതാണെന്നും ആണ് കേന്ദ്രത്തിന്റെ വാദം.

സര്‍ക്കാര്‍ ഇതിനകം തന്നെ ദാമ്പത്യത്തില്‍ സ്ത്രീയുടെ സമ്മതം സംരക്ഷിക്കാനുള്ള നടപടികള്‍ സ്വീകരിച്ചിട്ടുണ്ട്. വിവാഹിതയോടുള്ള ക്രൂരതയ്ക്കുള്ള ശിക്ഷകളും ഇതില്‍ ഉള്‍പ്പടെുന്നുണ്ട്. 2005ലെ ഗാര്‍ഹിക പീഡനനിരോധന നിയമം ഇവരുടെ സംരക്ഷണത്തിനായി നിലവിലുണ്ടെന്നും കേന്ദ്രം സുപ്രീം കോടതിയെ അറിയിച്ചു.

The Indian government has submitted to the Supreme Court that marital rape should not be considered a criminal offense. This stance has sparked controversy and debate on women's rights and safety within marriages.