കണ്ണൂര്‍: പോക്‌സോ കേസില്‍ പ്രതിയായ മുന്‍ സിപിഎം മുയ്യം ബ്രാഞ്ച് സെക്രട്ടറി കുറമത്തൂര്‍ കണപുരത്ത് അനീഷിനെ (50) തൂങ്ങി മരിച്ച നിലയില്‍ കണ്ടെത്തി. കോഴിക്കോട് മാവൂര്‍ റോഡ് തൊണ്ടയാട് റോഡിനോട് ചേര്‍ന്ന ഒഴിഞ്ഞ സ്ഥലത്ത് മരത്തില്‍ തൂങ്ങിയ നിലയിലായിരുന്നു. മൃതദേഹത്തിന് രണ്ട് ദിവസത്തെ പഴക്കമുണ്ടെന്നാണ് റിപ്പോര്‍ട്ട്. 

വ്യാഴാഴ്ച്ച ഉച്ചയോടെ നാട്ടുകാരാണ് മൃതദേഹം ആദ്യം കണ്ടത്. ഉടന്‍ തന്നെ മെഡിക്കല്‍ പൊലിസിനെ വിവരം അറിയിച്ചു. എസ്.ഐ.പി അനീഷിന്റെ നേതൃത്വത്തില്‍ പൊലിസ് സംഘം സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം പോസ്റ്റ്‌മോര്‍ട്ടത്തിനായി മൃതദേഹം മോര്‍ച്ചറിയിലേക്ക് മാറ്റി. 

പോക്‌സോ കേസില്‍ പ്രതിയായതിനെ തുടര്‍ന്ന് ഇയാളെ സിപിഎം പാര്‍ട്ടിയില്‍ നിന്നും പുറത്താക്കിയിരുന്നു. 17 കാരനായ വിദ്യാര്‍ഥിയെ പ്രകൃതിവിരുദ്ധ പീഡനത്തിനിരയാക്കിയെന്ന പരാതിയില്‍ അനീഷിനും മുയ്യം പടിഞ്ഞാറ് ബ്രാഞ്ച് സെക്രട്ടറി സി രമേശനുമെതിരെ തളിപ്പറമ്പ് പൊലിസാണ് കേസെടുത്തത്. ഇയാളെയും പാര്‍ട്ടിയില്‍ നിന്ന് പുറത്താക്കിയിരുന്നു.

POCSO case accused CPM ex-branch secretary hanged in calicut