തിരുവനന്തപുരം: എഡിജിപി അജിത് കുമാറിനെ ശബരിമല അവലോകന യോഗത്തില്‍നിന്ന് ഒഴിവാക്കി. മുഖ്യമന്ത്രിയുടെ നേതൃത്വത്തില്‍ നടന്ന യോഗത്തില്‍ നിന്നാണ് എഡിജിപിയെ മാറ്റിയത്. ഡിജിപിയും ഇന്റലിജന്‍സ്, ഹെഡ് ക്വാര്‍ട്ടേഴ്‌സ് എഡിജിപിമാരും ആണ് യോഗത്തില്‍ പങ്കെടുത്തത്. അതേസമയം യോഗത്തില്‍ പങ്കെടുക്കേണ്ടിയിരുന്നത് ക്രമസമാധാന ചുമതലയുള്ള എഡിജിപിയാണ്.

അജിത് കുമാറിനെ ഒഴിവാക്കിയത് മുഖ്യമന്ത്രിയുടെ ഓഫിസ് ഇടപെട്ടാണെന്നാണ് വിവരം. അജിത് കുമാറിനെതിരായ റിപ്പോര്‍ട്ട് ഇന്ന് അല്ലെങ്കില്‍ നാളെ ഡിജിപി സമര്‍പ്പിക്കുമെന്നാണ് വിവരം. ഇതിനു മുന്നോടിയായാണു എഡിജിപിയെ മാറ്റിനിര്‍ത്തിയത് എന്നാണു വിവരം.

Kerala Chief Minister's office steps in, dropping ADGP Ajit Kumar from Sabarimala review meeting, sparking attention to the significant pilgrimage site's management and security.