മലപ്പുറം: ഡെമോക്രാറ്റിക് മൂവ്‌മെന്റ് ഓഫ് കേരളയുടെ നയ പ്രഖ്യാപന വേദിയില്‍ മുഖ്യമന്ത്രി പിണറായി വിജയനും എഡിജിപി അജിത് കുമാറിനും എതിരെയുള്ള ആരോപണങ്ങള്‍ ആവര്‍ത്തിച്ച് പി വി അന്‍വര്‍ എംഎല്‍എ. പൂരം കലക്കി ബിജെപിക്ക് ഒരു ലോക്‌സഭ സീറ്റ് വാങ്ങി കൊടുത്തതില്‍ ഗൂഢാലോചനയുണ്ടെന്ന തന്റെ പരാതിയില്‍ അന്വേഷണം പ്രഖ്യാപിച്ച് 32 ദിവസം കഴിഞ്ഞിട്ടും ഒന്നും നടന്നില്ലെന്ന് അന്‍വര്‍ പറഞ്ഞു.

പൂരം കലക്കലില്‍ എഡിജിപി അജിത് കുമാറിന് വീഴ്ചയുണ്ടായെന്നാണ് റിപ്പോര്‍ട്ട്. എന്നാല്‍ അജിത് കുമാറിനെതിരെ സര്‍ക്കാര്‍ യാതൊരു നടപടിയും എടുത്തില്ല. അജിത് കുമാറിന്റെ സംഹാര താണ്ഡവമാണ് പൊലിസ് ഹെഡ്ക്വാട്ടേഴ്‌സില്‍ നടക്കുന്നതെന്നും അന്‍വര്‍ ആരോപിച്ചു.

ബിജെപിയെ ശക്തമായി നേരിടുന്നത് ഡിഎംകെയും തമിഴ്‌നാടുമാണ്. ഒരു സീറ്റ് പോലും കൊടുത്തില്ല. അതേസമയം സിപിഎം കേരളത്തില്‍ പൂരം കലക്കി ബിജെപിക്ക് ഒരു സീറ്റ് ഉറപ്പിച്ച് കൊടുത്തു. ബിജെപിക്ക് രാഷ്ട്രീയമായി കടന്നുവരാന്‍ ഒരു പഴുതുമില്ലാത്ത കേരളത്തില്‍ പരവതാനി വിരിച്ചു കൊടുത്തത് കേരളത്തിന്റെ മുഖ്യമന്ത്രിയാമെന്നും, പൂരം കലക്കാന്‍ രണ്ട് ദിവസമാണ് അജിത് കുമാര്‍ തൃശൂരില്‍ ക്യാംപ് ചെയ്തതെന്നും അന്‍വര്‍ പറഞ്ഞു.

എം കെ സ്റ്റാലിനുമായി കൂടിക്കാഴ്ച നടത്തിയെന്നും എന്നാല്‍ അദ്ദേഹത്തോട് തന്നെ തള്ളി പറയാന്‍ ചിലര്‍ ആവശ്യപ്പെട്ടുവെന്നും, താന്‍ ചെന്നൈയില്‍ പോയത് രാഷ്ട്രീയ പാര്‍ട്ടി രൂപീകരിക്കാനല്ല  സ്റ്റാലിന്റെ ആശിര്‍വാദം വാങ്ങാനാണെന്നും അന്‍വര്‍ പറഞ്ഞു. എം കെ സ്റ്റാലിനെ കാണാന്‍ പോയത് ബിജെപിക്ക് വരാനുള്ള എല്ലാ വാതിലുകളും കൊട്ടിയടച്ചതുകൊണ്ടാണ് അന്‍വര്‍ വ്യക്തമാക്കി. ഡിഎംകെ ഒരു രാഷ്ട്രീയ പാര്‍ട്ടിയല്ല, ഒരു സാമൂഹിക മുന്നേറ്റമാണ്, നിയമപരമായ ജനകീയ മുന്നേറ്റമാണ്  ഉദ്ദേശിക്കുന്നത്. 

പാലക്കാടും ചേലക്കരയിലും നടക്കാനിരിക്കുന്ന ഉപതെരഞ്ഞെടുപ്പുകളില്‍ സിപിഎം ബിജെപിയുമായി ഡീല്‍ ഉറപ്പിച്ചതായും അന്‍വര്‍ ആരോപിച്ചു. പാലക്കാട് ബിജെപിക്ക് വിട്ടുകൊടുക്കുമെന്നും, ചേലക്കരയില്‍ ബിജെപി സിപിഎമ്മിന് വോട്ട് കച്ചവടം ചെയ്തുവെന്നുമടക്കമുള്ളതാണ് അന്‍വറിന്റെ ആരോപണങ്ങള്‍.

In a strategic move, BJP and CPI(M) join forces for upcoming bypolls in Tamil Nadu, requesting DMK not to contest to avoid splitting opposition votes.