തിരുവനന്തപുരം: എഡിജിപി എംആര്‍ അജിത് കുമാറിനെതിരെ നടപടി. അജിത് കുമാറിനെ ക്രമസമാധാന ചുമതലയില്‍ നിന്ന് നീക്കി. ഇതുസംബന്ധിച്ച ഉത്തരവിറങ്ങി. അതേസമയം പൊലിസ് ബറ്റാലിയന്റെ ചുമതലയില്‍ അജിത് കുമാര്‍ തുടരും. എഡിജിപിയുടെ വാദങ്ങള്‍ തള്ളിയ ഡിജിപിയുടെ റിപ്പോര്‍ട്ട് വന്നിട്ടും നടപടി സ്ഥാന മാറ്റത്തില്‍ മാത്രം ഒതുങ്ങിയെന്നതാണ് ശ്രദ്ധേയമായ കാര്യം.

എഡിജിപി എം ആര്‍ അജിത് കുമാറിനെ ക്രമസമാധാന ചുമതലയില്‍ നിന്ന് സായുധ പൊലീസ് ബറ്റാലിയനിലേക്ക് സ്ഥലം മാറ്റിയെന്നാണ് സര്‍ക്കാര്‍ വാര്‍ത്താകുറിപ്പില്‍ പറയുന്നത്. ഇന്റലിജന്‍സ് എഡിജിപി മനോജ് എബ്രഹാമിനെ ക്രമസമാധാന ചുമതലയുള്ള എഡിജിപി ആയി നിയമിച്ചു. മനോജ് എബ്രഹാം ക്രമസമാധാന ചുമതലയിലേക്ക് എത്തുമ്പോള്‍ പുതിയ ഇന്റലിജന്‍സ് എഡിജിപിയെ നിയമിച്ചുകൊണ്ടുള്ള ഉത്തരവ് നാളെ എത്തും.

In a significant development, ADGP MR Ajith Kumar has been removed from law and order charge and replaced by Manoj Abraham, sparking curiosity about the reasons behind the transfer.