തലശ്ശേരി: നഗരത്തില്‍ ജൂബിലി റോഡിലെ പണിതീരാത്ത കെട്ടിടത്തിന്റെ ലിഫ്റ്റ് കുഴിയില്‍ നിന്നു കണ്ടെത്തിയ അസ്ഥികൂടം കാണാതായ തമിഴ്‌നാട് സേലം സ്വദേശിനി ധനകോടി (73)യുടേതാണെന്ന് സൂചന. സംഭവവുമായി ബന്ധപ്പെട്ട് ധനകോടിയുടെ ഭര്‍ത്താവ് അമ്പായിരം (77) പൊലിസ് കസ്റ്റഡിയില്‍.

വെള്ളിയാഴ്ച വൈകീട്ടാണ് പഴയ കെട്ടിടത്തിന്റെ ലിഫ്റ്റ് കുഴിയില്‍ തലയോട്ടി കണ്ടത്. ശനിയാഴ്ച ഉന്നത ഉദ്യോഗസ്ഥരും ഫൊറന്‍സിക് വിദഗ്ധരും സ്ഥലത്തെത്തി നടത്തിയ പരിശോധനയില്‍ അസ്ഥികൂടത്തിന്റെ മുഴുവന്‍ ഭാഗങ്ങളും കണ്ടെടുത്തു. ആറ് മാസത്തോളം പഴക്കമുള്ളതാണ് അസ്ഥികൂടമെന്നാണ് പ്രാഥമിക നിഗമനവും.

വര്‍ഷങ്ങളായി ആക്രി പെറുക്കി വില്‍പന നടത്തുന്നവരാണ് അമ്പായിരവും ധനകോടിയും. ആറുമാസത്തോളമായി ധനകോടിയെ കാണാതായിട്ട്. അമ്മയെക്കുറിച്ച് മക്കള്‍ അന്വേഷിക്കുമ്പോഴെല്ലാം സേലത്തേക്ക് ട്രെയിന്‍ കയറ്റിവിട്ടുവെന്നും നാട്ടില്‍പോയി എന്നൊക്കെയാണ് പിതാവ് മറുപടി പറഞ്ഞിരുന്നത്.

വെള്ളിയാഴ്ച മക്കള്‍ ചോദ്യം ചെയ്തപ്പോഴാണ് ധനകോടി തലശ്ശേരിയിലെ കെട്ടിടത്തിലുണ്ടെന്ന നിര്‍ണായക വിവരം ഇയാള്‍ വെളിപ്പെടുത്തിയതും. ഉടന്‍ മക്കള്‍ അമ്പായിരത്തെയും കൂട്ടി സ്ഥലത്തെത്തുകയും ഓടി രക്ഷപ്പെടാന്‍ ശ്രമിച്ച ഇയാളെ പിടികൂടി പൊലിസില്‍ അറിയിക്കുകയുമായിരുന്നു.

സിറ്റി പൊലിസ് കമീഷണര്‍ പി. നിധിന്‍ രാജ്, തലശ്ശേരി എ.എസ്.പി പി.ബി. കിരണ്‍, സി.ഐ ഇ.കെ. ബിജു പ്രകാശ്, എസ്.ഐമാരായ പി.പി. ഷമില്‍, കെ. അശ്വതി എന്നിവരുടെ നേതൃത്വത്തിലാണ് പരിശോധന നടത്തിയത്. വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തിയിരുന്നു.

ധനകോടി ഉപയോഗിച്ചിരുന്ന വസ്ത്രങ്ങളും മറ്റും ഇവിടെനിന്ന് കണ്ടെടുത്തിട്ടുണ്ട്. ഇത് അമ്മയുടെതാണെന്ന് മക്കള്‍ തിരിച്ചറിഞ്ഞു. സംഭവത്തില്‍ കൂടുതല്‍ വിവരങ്ങള്‍ പൊലീസ് ശേഖരിച്ചുവരികയാണ്. മൃതദേഹം തിരിച്ചറിയുന്നതിനും മരണകാരണം ഉറപ്പിക്കുന്നതിനുമായി കൂടുതല്‍ ശാസ്ത്രീയ പരിശോധന നടത്തുമെന്നും പൊലിസ് അറിയിച്ചു.

Police in Thalassery have found that the skeletal remains recovered from the lift shaft of an unfinished building on Jubilee Road likely belong to Dhanakodi (73), a woman from Salem, Tamil Nadu, who had been missing for about six months. Her husband, Ambairam (77), who worked with her as a scrap collector, is now in police custody. The remains were discovered on Friday evening when a skull was spotted in the lift shaft. A forensic team later recovered the full skeleton, which is believed to be around six months old.

Dhanakodi’s children had been repeatedly asking about their mother’s whereabouts, but Ambairam allegedly told them she had been sent to Salem or had returned to their native place. On Friday, under pressure from the children, he finally revealed that she was at the Thalassery building. When the children took him to the spot, he tried to flee but was caught and handed over to the police.