റിയാദ്: റിയാദിലെ കിങ് ഖാലിദ് അന്താരാഷ്ട്ര വിമാനത്താവളം അതിന്റെ ചരിത്രത്തിലെ ഏറ്റവും വലിയ പരിവര്‍ത്തന പദ്ധതി നടപ്പാക്കാന്‍ തയ്യാറെടുക്കുന്നു. 40 വര്‍ഷം മുമ്പ് തുറന്നതിന് ശേഷം ഇതാദ്യമായാണ് വിമാനത്താവളം വന്‍ മാറ്റത്തിനൊരുങ്ങുന്നത്. സൗദി തലസ്ഥാനത്തിന്റെ ദ്രുതഗതിയിലുള്ള വികസനവുമായി പൊരുത്തപ്പെടുന്നതിന് അടുത്തവര്‍ഷം ആദ്യ പാദത്തില്‍ പദ്ധതി ആരംഭിക്കാനാണ് ഷെഡ്യൂള്‍ ചെയ്തിരിക്കുന്നതെന്ന് അധികൃതര്‍ അറിയിച്ചു. ആഭ്യന്തര, അന്തര്‍ദേശീയ വിമാന സര്‍വിസുകള്‍ക്കിടയില്‍ ആദ്യമായി ടെര്‍മിനലുകള്‍ പുനഃക്രമീകരിക്കും. യാത്രക്കാരെ ബാധിക്കാതെ പ്രവര്‍ത്തനങ്ങള്‍ തുടരുന്നത് ഉറപ്പാക്കുന്നതിന് 2026 ആദ്യമാസങ്ങളില്‍ ക്രമേണ സ്ഥലംമാറ്റ പ്രക്രിയ നടപ്പാക്കും. യാത്രക്കാര്‍ക്ക് സുഖകരമാക്കാനും ടെര്‍മിനലുകള്‍ക്കിടയിലുള്ള ഗതാഗത സമയം കുറക്കാനുമാണ് ഈ നീക്കത്തിലൂടെ ലക്ഷ്യമിടുന്നതെന്ന് വിമാനത്താവള അധികൃതര്‍ അറിയിച്ചു.

വിമാനത്താവളത്തില്‍ അഞ്ച് ടെര്‍മിനലുകള്‍

കിങ് ഖാലിദ് അന്താരാഷ്ട്ര വിമാനത്താവളത്തില്‍ നിലവില്‍ അഞ്ച് ടെര്‍മിനലുകള്‍ ആണുള്ളത്. അവതാഴെ പറയും വിധം പുനഃക്രമീകരിക്കും.

* 1, 2 ടെര്‍മിനലുകള്‍: ഇവ രണ്ടും പൂര്‍ണമായും സൗദി വിമാനക്കമ്പനികള്‍ നടത്തുന്ന ആഭ്യന്തര വിമാന സര്‍വീസുകള്‍ക്കായിരിക്കും. 
* 3, 4 ടെര്‍മിനലുകള്‍: സൗദി വിമാനക്കമ്പനികള്‍ നടത്തുന്ന അന്താരാഷ്ട്ര സര്‍വീസുകള്‍ക്കായി ഇത് രണ്ടും നീക്കിവയ്ക്കും. 
* ടെര്‍മിനല്‍ 5: ഇന്ത്യയിലെതുള്‍പ്പെടെയുള്ള വിദേശ വിമാനക്കമ്പനികള്‍ നടത്തുന്ന അന്താരാഷ്ട്ര സര്‍വീസുകള്‍ക്കായിരിക്കും ഇത്.

എല്ലാ വിമാനത്താവള പങ്കാളികളും വിമാനക്കമ്പനികളും പൂര്‍ണ്ണ സന്നദ്ധത സ്ഥിരീകരിച്ചുകഴിഞ്ഞാല്‍ പ്രവര്‍ത്തന മാറ്റത്തിനുള്ള അന്തിമ തീയതി പ്രഖ്യാപിക്കും.

ALSO READ: 'പാവങ്ങളുടെ സ്വര്‍ണം'; വിലകൂടിയപ്പോള്‍ ദുബൈയില്‍ 14 കാരറ്റ് സ്വര്‍ണത്തിന്റെ വിലയും പുറത്തുവിട്ടു

ALSO READ: വ്യോമയാനരംഗം സാധാരണനിലയിലേക്ക്, എയര്‍ബസ് അപ്‌ഡേറ്റ്‌സ് പ്രഖ്യാപിച്ചത് ഒക്ടോബര്‍ 30ലെ സംഭവത്തോടെ; ബാധിച്ചത് ആയിരക്കണക്കിന് സര്‍വിസുകളെ | A320

King Khalid International Airport, operated by Riyadh Airports Company, is preparing to implement a major strategic transformation plan — the first of its kind since the airport opened more than 40 years ago. The rollout is scheduled to begin in the first quarter of 2026 to align with the rapid development of the Saudi capital.