മസ്‌കത്ത്:രാജ്യത്ത് പ്രാഖ്യാപിച്ചിരുന്ന  ഈ വർഷത്തെ കിംഗ്ഫിഷ് മത്സ്യബന്ധന നിരോധനം പിൻവലിച്ച് ഒമാൻ.ഇത്കൃ സംബന്ധിച്ച അറിയിപ്പ് കൃഷി മത്സ്യബന്ധനം, ജലവിഭവ മന്ത്രാലയമാണ് പുറത്തുവിട്ടത്. ഒക്ടോബർ 16 ബുധനാഴ്ച മുതൽ കിംഗ്ഫിഷിന്റെ മത്സ്യബന്ധനത്തിനും വ്യാപാരത്തിനും അനുമതി ലഭിക്കുന്നതാണ്.

കിംഗ്ഫിഷുകളുടെ സുസ്ഥിരത സംരക്ഷിക്കുന്നതിനായി രാജ്യത്ത് നടപ്പിലാക്കിയ നിരോധന കാലയളവിൽ സഹകരിച്ച മത്സ്യത്തൊഴിലാളികളോട് മന്ത്രാലയം അതിന്റെ പ്രസ്താവനയിൽ നന്ദി അറിയിച്ചു.

എല്ലാ മത്സ്യത്തൊഴിലാളികളോടും സുസ്ഥിര മത്സ്യബന്ധന രീതികൾ തുടരാൻ മന്ത്രാലയം അഭ്യർത്ഥിച്ചു. ദീർഘകാല സംരക്ഷണം ഉറപ്പാക്കാൻ കിംഗ്ഫിഷിനെ പിടിക്കുന്നതിനുള്ള അനുവദനീയമായ ഏറ്റവും കുറഞ്ഞ നീളം 65 സെന്റിമീറ്ററായി തുടരുമെന്ന് മന്ത്രാലയം വ്യക്തമാക്കി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക