ആയഞ്ചേരി (കോഴിക്കോട്): വൈജ്ഞാനിക രംഗത്തെ അമൂല്യ രത്‌നമായിരുന്നു കോട്ടുമല ടി.എം ബാപ്പു മുസ്‌ലിയാരെന്ന് സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍. കടമേരി റഹ്മാനിയ്യയില്‍ നടന്ന കോട്ടുമല ടി.എം ബാപ്പു മുസ്‌ലിയാരുടെ എട്ടാം ആണ്ടനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. സമസ്ത ട്രഷറര്‍ കൊയ്യോട് ഉമര്‍ മുസ്‌ലിയാര്‍ അനുസ്മരണ പ്രഭാഷണം നടത്തി.

റഹ്മാനിയ്യ വര്‍ക്കിങ് പ്രസിഡന്റ് എസ്.പി.എം തങ്ങള്‍ അധ്യക്ഷനായി.  ജന. സെക്രട്ടറി ചീക്കിലോട്ട് കുഞ്ഞബ്ദുല്ല മുസ്‌ലിയാര്‍, ചിറക്കല്‍ ഹമീദ് മുസ്‌ലിയാര്‍, നാളോങ്കണ്ടി അന്ത്രു മുസ്‌ലിയാര്‍, സമസ്ത മുശാവറ അംഗം സി.കെ അബ്ദുറഹ്മാന്‍ ഫൈസി അരിപ്ര, ഹംസ റഹ്മാനി കൊണ്ടിപറമ്പ്, എന്‍.വി മുഹമ്മദ് ഫൈസി കടുങ്ങല്ലൂര്‍, പി. അമ്മദ്, കുറ്റിയില്‍ പോക്കര്‍ ഹാജി, മൂടാടി മൊയ്തു ഹാജി, ടി.ടി.കെ ഖാദര്‍ ഹാജി, സി.ഇ.ഒ ഫരീദ് റഹ്മാനി കാളികാവ്, സി.എച്ച് മഹ്മൂദ് സഅദി, അലി ഫൈസി മരുന്നൂര്‍, നൊച്ചാട്ട് കുഞ്ഞബ്ദുല്ല, അസീസ് കുറ്റിയില്‍, കാട്ടില്‍ മൊയ്തു, ബഷീര്‍ പൊറോറ, ടി.കെ ഹാരിസ്, മുജീബ് റഹ്മാനി മൊറയൂര്‍, ലത്തീഫ് മാത്തോട്ടത്തില്‍, അലി ഹാജി  സംബന്ധിച്ചു.