ബെര്‍ലിന്‍: ഗസ്സയിലും ലബനാനിലും നരഹത്യ തുടരുന്ന ഇസ്‌റാഈലിന് ആയുധങ്ങള്‍ നല്‍കി ജര്‍മനി. കഴിഞ്ഞ മൂന്ന് മാസത്തിനിടെ ഇസ്‌റാഈലിനായി 10.15 കോടി ഡോളര്‍ വിലമതിക്കുന്ന സൈനിക ഉപകരണങ്ങളും ആയുധങ്ങളും നല്‍കാന്‍ അംഗീകാരം നല്‍കിയതായി ജര്‍മന്‍ വിദേശകാര്യ മന്ത്രാലയം സ്ഥിരീകരിച്ചു. പാര്‍ലമെന്റില്‍ പ്രതിപക്ഷ പാര്‍ട്ടി ഉന്നിച്ച ചോദ്യത്തിന് മറുപടി നല്‍കവെയാണ് ഇക്കാര്യം പുറത്തായത്. രണ്ടു ഘട്ടങ്ങളിലായാണ് ഇത്രയും വലിയ തുകയുടെ ആയുധങ്ങള്‍ അനുവദിച്ചത്.

ജര്‍മന്‍ നിര്‍മിത ആയുധങ്ങള്‍ ഉപയോഗിക്കുമ്പോള്‍ അന്താരാഷ്ട്ര നിയമങ്ങള്‍ പാലിക്കുമെന്ന് ഇസ്‌റാഈലില്‍ നിന്നും രേഖാമൂലമുള്ള ഉറപ്പ് ലഭിച്ചശേഷമാണ് സൈനിക ഉപകരണങ്ങളും ആയുധങ്ങളും കൈമാറുന്നത് പുനരാരംഭിച്ചതെന്ന് റിപ്പോര്‍ട്ടില്‍ പറയുന്നുണ്ട്.