ന്യൂഡൽഹി: നിയമസഭാ തിരഞ്ഞെടുപ്പിൽ ബിജെപിക്ക് വോട്ടു ചെയ്താൽ സംസ്ഥാനത്ത്  പവർകട്ടായിരിക്കും ഫലമെന്ന് ആം ആദ്‌മി പാർട്ടി (എഎപി) നേതാവ് അരവിന്ദ് കേജ്‌രിവാൾ. " ഡൽഹിയിലെ ജനങ്ങൾ ബിജെപിക്ക് വോട്ട് ചെയ്‌താൽ പവർകട്ട് വീണ്ടും ഉണ്ടാകും.ബിജെപി ഭരണ സംസ്ഥാനങ്ങളായ ഉത്തർപ്രദേശിലും ബീഹാറിലും 8-10 മണിക്കൂറാണ് പവർകട്ട്. ഡൽഹിയിൽ വൈദ്യുതി സൗജന്യമാണ്. ഉത്തർപ്രദേശിലും, രാജസ്ഥാനിലും, ബിഹാറിലും വൈദ്യുതി ചാർജ് നിരക്ക് വളരെ ഉയർന്നതാണ് "- വികാ‌രിയിലെ യോഗത്തിൽ കേജ്‌രിവാൾ പറഞ്ഞു.

അടുത്തവർഷം ഫെബ്രുവരിയിൽ നടക്കുന്ന നിയമസഭാ തിരഞ്ഞെടുപ്പിനായുള്ള തയാറെടുപ്പിലാണ്  ആം ആദ്‌മി പാർട്ടി. മദ്യനയ അഴിമതിക്കേസിൽ ജയിൽമോചിതനായശേഷം മുഖ്യമന്ത്രിപദം രാജിവച്ച കേജ്‌രിവാൾ തിരഞ്ഞെടുപ്പ് പ്രചാരണത്തിലാണ്.ജല ഉപയോ​ഗ ബില്ല് ജനങ്ങൾക്ക് താങ്ങാവുന്നതിലും അപ്പുറമുള്ള വലിയ തുകയാണ് ലഭിക്കുന്നതെന്നും തന്നെ മുഖ്യമന്ത്രിയായി തിരഞ്ഞെടുത്താൽ ബില്ലുകൾ ഒഴിവാക്കുമെന്നും കേജ്‌രിവാൾ യോഗത്തിൽ പറഞ്ഞു.

Arvind Kejriwal warns voters that electing BJP could lead to power cuts, emphasizing his AAP government’s commitment to free electricity for Delhi residents."