ശ്രീനഗര്‍: ജമ്മു കശ്മീര്‍ ശ്രീനഗറില്‍ ഗ്രനേഡ് ആക്രമണം. ലാല്‍ ചൗക്കിലെ ഞായറാഴ്ച ചന്ത കേന്ദ്രീകരിച്ചാണ് ആക്രമണം നടന്നത്. ആക്രമണത്തില്‍ 12 പേര്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.

ആക്രമണത്തിന് പിന്നില്‍ ആരാണെന്ന് വ്യക്തമായിട്ടില്ല. എത്ര ഗ്രനേഡുകളാണ് പൊട്ടിയതെന്നും വ്യക്തമല്ല. ആക്രമണത്തിന്റെ ഉത്തരവാദിത്വം ഏറ്റെടുത്ത് ആരും രംഗത്തെത്തിയിട്ടില്ല. ഞായറാഴ്ചയായതിനാല്‍ പ്രദേശത്ത് വന്‍ തിരക്കുണ്ടായിരുന്നു. സ്ഥലത്തുണ്ടായിരുന്ന സുരക്ഷാ സേനയെ ലക്ഷ്യമിട്ടാണ് ആക്രമണം നടന്നതെന്നാണ് നിഗമനം.