ന്യൂയോര്‍ക്ക്: അമേരിക്കന്‍ പ്രസിഡന്റ് തെരഞ്ഞെടുപ്പില്‍ ഇത്തവണ ഗസ്സയിലെ ആക്രമണവും വിഷയമാണെന്ന് ന്യൂയോര്‍ക്ക് മുസ്‌ലിംകള്‍. തെരഞ്ഞെടുപ്പിന് മുന്‍പുള്ള വെള്ളിയാഴ്ച ജുമുഅ നിസ്‌കാരത്തിനു ശേഷം ഗസ്സയില്‍ കൊല്ലപ്പെട്ടവര്‍ക്കും പരുക്കേറ്റവര്‍ക്കും വേണ്ടി പള്ളികളില്‍ പ്രത്യേക പ്രാര്‍ഥന നടന്നു. വോട്ടര്‍മാരെ തെരഞ്ഞെടുപ്പ് വേളയില്‍ ഗസ്സയെ ഓര്‍മിപ്പിക്കുക കൂടിയാണ് ലക്ഷ്യമെന്ന് ഇസ്‌ലാമിക് കള്‍ച്ചര്‍ സെന്റര്‍ പ്രതിനിധികളെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു.

നവംബര്‍ അഞ്ചിലെ തെരഞ്ഞെടുപ്പില്‍ ഗസ്സയിലെ ആക്രമണത്തെ സഹായിക്കുന്ന നിലപാട് ചോദ്യം ചെയ്യപ്പെടുമെന്ന് ജുമുഅ നിസ്‌കാരത്തിനെത്തിയ കോര്‍പറേറ്റ് പ്രൊഫഷനലായ അലി പറഞ്ഞു. വലിയൊരു വിഭാഗം മുസ്‌ലിംകളെ വളഞ്ഞിട്ട് ആക്രമിച്ച് കൊന്നൊടുക്കുകയാണ് ഗസ്സയിലെന്നും അദ്ദേഹം പറഞ്ഞു. ഇതില്‍ യു.എസ് മുസ്‌ലിംകള്‍ സന്തുഷ്ടരല്ലെന്നും അദ്ദേഹം പറഞ്ഞു.

ഭരണകക്ഷിയായ ഡെമോക്രാറ്റിക് പാര്‍ട്ടി ഇസ്റാഈല്‍ അനുകൂല വാക്കുകളും പ്രവൃത്തികളുമാണ് നടത്തുന്നത്. ന്യൂയോര്‍ക്ക് മുസ്‌ലിംകള്‍ പ്രാദേശികവും അന്താരാഷ്ട്രീയവുമായ വിഷയത്തില്‍ ആശങ്കാകുലരാണ്. ഇക്കാര്യത്തില്‍ നിലപാട് എടുക്കാനുള്ള അവസരം പ്രസിഡന്റ് തെരഞ്ഞെടുപ്പാണ്. ഇതില്‍ ഏറ്റവും പ്രധാനമായ വിഷയം ഗസ്സയാണ്. തങ്ങളുടെ പ്രാദേശിക വിഷയത്തേക്കാള്‍ പ്രധാനം ഗസ്സ തന്നെയാണെന്നും അമേരിക്കന്‍ മുസ്്ലിംകള്‍.
സ്വിങ് സംസ്ഥാനങ്ങളില്‍ മുസ്‌ലിം വോട്ടര്‍മാരുടെ നിലപാട് തെരഞ്ഞെടുപ്പ് ഫലം മാറിമറിയാന്‍ ഇടയാക്കുമെന്ന് രാഷ്ട്രീയ നിരീക്ഷകരും പറയുന്നു. ജോര്‍ജിയ, പെന്‍സില്‍വാനിയ, മിഷിഗണ്‍ എന്നീ പ്രധാന സ്വിങ് സംസ്ഥാനങ്ങളില്‍ 61 ശതമാനം മുസ്‌ലിംകളും ഗസ്സ പ്രധാന വിഷയമായി എടുക്കുന്നവരാണെന്ന് സോഷ്യല്‍ പോളിസി ആന്‍ഡ് അണ്ടര്‍ടെയ്ക്കിങ് ഇന്‍സ്റ്റിറ്റ്യൂട്ട് ഈയിടെ നടത്തിയ സര്‍വേയില്‍ പറയുന്നു.

In New York, U.S. Muslims stress Gaza's significance over local issues, urging voters to consider humanitarian crises in the upcoming presidential election.