അബൂദബി: ലോകത്തിന്റെ പട്ടിണിയകറ്റാന്‍ ലക്ഷ്യമിട്ട് യുഎഇ ആരംഭിച്ച ഫുഡ് ബാങ്കിലൂടെ ഈ വര്‍ഷം 9 മാസത്തിനിടെ വിതരണം ചെയ്തത് 2.45 കോടി ഭക്ഷണ പൊതികള്‍.

രാജ്യത്തിന് അകത്തും പുറത്തുമുള്ള അര്‍ഹരായ 2.45 കോടി ആളുകളെ കണ്ടെത്തിയാണ് ഭക്ഷണപ്പൊതികള്‍ വിതരണം ചെയ്തത്. ഭക്ഷണം പാഴാക്കാതിരിക്കാനും വന്‍കിട വിരുന്നുകള്‍ക്കും മറ്റും അധികം വരുന്ന ഭക്ഷണം വൃത്തിയായി പായ്ക്ക് ചെയ്ത് അര്‍ഹരായവര്‍ക്ക് എത്തിക്കാനുമായി ആഗോള രാജ്യങ്ങളില്‍ 150 ബോധവല്‍ക്കരണ പരിപാടികളും ഇതുവരെ യുഎഇ നടത്തിയിട്ടുണ്ട്. ഇതുവഴി പട്ടിണിയും ഭക്ഷ്യമാലിന്യങ്ങളും കുറഞ്ഞതായും സാക്ഷ്യപ്പെടുത്തി. ഭക്ഷണ വിതരണത്തില്‍ മുന്‍വര്‍ഷം ഇതേ കാലയളവിനേക്കാള്‍ 93 ശതമാനം വര്‍ധനയുണ്ട്. പ്രതിദിനം ശരാശരി 90,000 ഭക്ഷണ പൊതികളാണ് വിതരണം ചെയ്യുന്നത്.

ഫുഡ് ബാങ്കിന്റെ വാര്‍ഷിക ലക്ഷ്യം മറികടക്കുന്നതാണ് ഈ കണക്കുകള്‍. 166.7 ടണ്‍ ഭക്ഷണമാണ് ഈ വര്‍ഷം ആദ്യ 9 മാസത്തിനിടെ യുഎഇ ഫുഡ് ബാങ്ക് ഉപഭോക്താക്കള്‍ക്ക് വിതരണം ചെയ്തത്. ഭക്ഷ്യ സ്ഥാപനങ്ങള്‍, ഹോട്ടലുകള്‍, കമ്പനികള്‍, എന്നിങ്ങനെ 925 പങ്കാളികളും ദാതാക്കളും 5000 ലധികം സന്നദ്ധപ്രവര്‍ത്തകരും ഈ ശ്രമങ്ങളെ പിന്തുണക്കുന്നുണ്ട്. ഇതുവഴി കോടിക്കണക്കിന് ജനങ്ങള്‍ക്കാണ് ഫുഡ് ബാങ്കിന്റെ പ്രയോജനം ലഭിച്ചത്. പദ്ധതിയില്‍ പങ്കാളികളായവരെ യുഎഇ ഫുഡ്ബാങ്ക് ബോര്‍ഡ് ആദരിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE Food Bank has made significant strides in combating global hunger, distributing 2.45 million meals worldwide.