തൊടുപുഴ: സ്വകാര്യ ആശുപത്രികളിലെ നഴ്‌സുമാരുടെ ശമ്പളം സര്‍ക്കാര്‍ ആശുപത്രികളിലെ നഴ്‌സുമാരുടേതിന് തുല്യമാക്കണമെന്ന ഡോ. ബാലരാമന്‍ കമ്മിറ്റിയുടെ ശുപാര്‍ശ അടിയന്തരമായി നടപ്പാക്കണമെന്ന് തൊടുപുഴയില്‍ ചേര്‍ന്ന ഇന്ത്യന്‍ നഴ്‌സസ് പേരന്റ്‌സ് അസോസിയേഷന്‍ ജില്ലാ പ്രവര്‍ത്തകയോഗം ആവശ്യപ്പെട്ടു. സ്വകാര്യ ആശുപത്രികളില്‍ കുറഞ്ഞ ശമ്പളത്തില്‍ ജോലി ചെയ്യേണ്ടിവരുന്നതിനാല്‍ വിദ്യാഭ്യാസ വായ്പയെടുത്തവര്‍ അത് തിരിച്ചടയ്ക്കാന്‍ കഴിയാതെ ജപ്തി ഭീഷണി നേരിടുകയാണ്
അസോസിയേഷന്‍ ജില്ലാ വൈസ് പ്രസിഡന്റ് രാജു കൊന്നനാലിന്റെ അധ്യക്ഷതയില്‍ ചേര്‍ന്ന യോഗം പ്രസിഡന്റ് കെ ജെ ജോസഫ് ഉദ്ഘാടനം ചെയ്തു. എന്‍ വിനോദ്കുമാര്‍, എ വി സെബാസ്റ്റിയന്‍, സണ്ണി വാളറ, എം.യു തോമസ്, ടി.കെ ജോസ്, നിഷ ജിമ്മി, മേരി ജോസഫ്, വി.വി തോമസ്, രാജമ്മ കുഞ്ഞുമോന്‍, പി.എം കുരുവിള എന്നിവര്‍ സംസാരിച്ചു.