കോട്ടയം: കാലടി ശ്രീ ശങ്കരാചാര്യ സംസ്‌കൃത സര്‍വകലാശാലയുടെ ഏറ്റുമാനൂര്‍ പ്രാദേശിക കേന്ദ്രത്തില്‍ സ്പാ തെറാപ്പിയില്‍ പുതിയ ഡിപ്ലോമ കോഴ്‌സ് ആരംഭിച്ചു. വൈസ് ചാന്‍സലര്‍ ഡോ. എം.സി ദിലീപ്കുമാര്‍ കോഴ്‌സിന്റെ ഉദ്ഘാടനം നിര്‍വഹിച്ചു. ഡിപ്ലോമ ഇന്‍ ആയുര്‍വേദ പഞ്ചകര്‍മ്മ ആന്റ് ഇന്റര്‍നാഷണല്‍ സ്പാ തെറാപ്പി എന്നാണ് കോഴ്‌സിന്റെ പേര്. മഹീന്ദ്ര ഹോളിഡേയ്‌സ് ആന്റ് റിസോര്‍ട്ട്‌സ് ഇന്ത്യ ലിമിറ്റഡ് വിദ്യാര്‍ഥികള്‍ക്കായി ഏര്‍പ്പെടുത്തിയിരിക്കുന്ന പ്രായോഗിക പരിശീലനത്തിനുള്ള സമ്മതപത്രം കേരള റീജിയണല്‍ ഹേഡ് ഡോ. അനില്‍കുമാര്‍ സര്‍വകലാശാല രജിസ്ട്രാര്‍ ഡോ. ടി.പി രവീന്ദ്രന് കൈമാറി. സിന്‍ഡിക്കേറ്റ് അംഗം ഡോ. ഡി ഗോപിമോഹന്‍, ഡോ. ജി ചന്ദ്രവദന എന്നിവര്‍ സംസാരിച്ചു.