മലപ്പുറം: എടപ്പാളില്‍ പൊലീസ് വേഷത്തില്‍ ഷൈന്‍ ടോം ചാക്കോയെ കണ്ട് പൊലിസ് പരിശോധനയെന്ന് തെറ്റിധരിച്ച് യുവാവ് ബൈക്ക് ബ്രേക്ക് ചെയ്ത് അപകടം.  പരിശോധന ഭയന്ന് പെട്ടെന്ന് യുവാവ് ബൈക്കിന്റെ ബ്രേക്ക് പിടിക്കുകയായിരുന്നു. 

നിസാരമായി പരുക്കേറ്റ യുവാവിനെ ഷൈനും അണിയറപ്രവര്‍ത്തകരും ചേര്‍ന്ന്് ആശുപത്രിയില്‍ പ്രവേശിപ്പിച്ചു.

ഇന്ന് രാവിലെ ഷൈന്‍ ടോം ചാക്കോയുടെ സൂത്രവാക്യം എന്ന സിനിമയുടെ ചിത്രീകരണത്തിനിടെയാണ് അപകടമുണ്ടായത്. മഴ പെയ്തതിനാല്‍ റോഡില്‍ വെള്ളമുണ്ടായിരുന്നു. പെട്ടെന്ന് ബ്രേക്കിട്ടതോടെ യുവാവ് തെന്നിവീഴുകയായിരുന്നു.