ദോഹ: ഖത്തർ അമീർ ശൈഖ് തമീം ബിൻ ഹമദ് അൽതാനിക്ക് ബ്രിട്ടണിൽ ഊഷ്‌മള വരവേൽപ്പ്. ലണ്ടനിലെ റോയൽ ഹോർസ് ഗ്വാർഡ് അരീനയിൽ ചാൾസ് മൂന്നാമൻ രാജാവും പ്രധാനമന്ത്രി കീർ സ്റ്റാർമറും ചേർന്ന് അമീറിനെ സ്വീകരിച്ചു. 

ലണ്ടനിലെ റോയൽ ഹോർസ് അരീനയിൽ അമീറും ചാൾസ് മൂന്നാമൻ രാജാവും ഗാർഡ് ഓഫ് ഓണർ സ്വീകരിച്ചു, ശേഷം പരമ്പരാഗത രാജകീയ വാഹനത്തിൽ അമീറിനെ ബക്കിങ് ഹാം കൊട്ടാരത്തിലേക്ക് ആനയിച്ചു.

ബ്രിട്ടന്റെ പരമോന്നത ബഹുമതിയായ ഗ്രാന്റ് നൈറ്റ് ഓഫ് ദ ഓർഡർ ചാൾസ് മൂന്നാമൻ രാജാവ് അമീറിന് സമ്മാനിച്ചു. അതേസമയം ഖത്തറിൻ്റെ പരമോന്നത ബഹുമതിയായ ഫൗണ്ടേഴ്സ് സ്വോർഡ് അമീർ ചാൾസ് രാജാവിന് കൈമാറി. ഖത്തർ പ്രധാനമന്ത്രി ശൈഖ് മുഹമ്മദ് ബിൻ അബ്‌ദുറഹ്‌മാൻ അൽതാനി അടക്കമുള്ള ഉന്നതതല സംഘം അമീറിനെ അനുഗമിക്കുന്നുണ്ട്.

Qatar Amir Receives Warm Welcome in Britain