കുവൈത്ത് സിറ്റി: കുവൈത്തില്‍ ഉപയോഗിക്കാത്ത മെഡിക്കല്‍ അവധിക്ക് (Medical Leave) പകരം സാധാരണ അവധി (Regular Leave) നല്‍കുന്നതിനുള്ള നയം മാറ്റുന്നു. നിര്‍ദിഷ്ട മാറ്റം ജീവനക്കാരെ ഉപയോഗിക്കാത്ത മെഡിക്കല്‍ ലീവുകള്‍ റെഗുലര്‍ ലീവാക്കി മാറ്റുന്നതില്‍ നിന്നും അല്ലെങ്കില്‍ ഉപയോഗിക്കാത്ത ദിവസങ്ങള്‍ക്ക് പണം (എന്‍ ക്യാഷ്) ആയി മാറ്റുന്നതും തടയും. ഇതുപ്രകാരം മെഡിക്കല്‍ ലീവുകള്‍ അസുഖ യഥാര്‍ത്ഥ ആവശ്യത്തിനായി മാത്രമേ പരിഗണിക്കൂ. 

സാമ്പത്തിക ചെലവുകള്‍ കുറയ്ക്കാനും ആവശ്യമുള്ളപ്പോള്‍ മെഡിക്കല്‍ ലീവുകള്‍ ഉപയോഗിക്കാനും സാമ്പത്തിക ആനുകൂല്യങ്ങള്‍ക്കായി മെഡിക്കല്‍ ലീവുകള്‍ എടുക്കാതെ മാറ്റിവയ്ക്കുന്നത് നിര്‍ത്താനും ഉദ്ദേശിച്ചാണ് പുതിയ തീരുമാനം. ജീവനക്കാരുടെ മെച്ചപ്പെട്ട ആരോഗ്യം പ്രോത്സാഹിപ്പിക്കുകയും ജീവനക്കാരെ തൊഴില്‍ ചട്ടങ്ങളുമായി പൊരുത്തപ്പെടാന്‍ പ്രോത്സാഹിപ്പിക്കുകയും ചെയ്യുന്നു. മെഡിക്കല്‍ ലീവ് ആവശ്യമുള്ള ജീവനക്കാര്‍ക്ക് നീതി ഉറപ്പാക്കാന്‍ ഇതിലൂടെ കഴിയുമെന്നും പുതിയ നയത്തെ പിന്തുണയ്ക്കുന്നവര്‍ വാദിക്കുന്നു.

അതേസമയം, റീപ്ലേസ്‌മെന്റ് പോളിസി നിര്‍ത്തുന്നത് അനുബന്ധ വരുമാന സ്രോതസ്സായി അതിനെ ആശ്രയിക്കുന്ന ജീവനക്കാര്‍ക്ക് തിരിച്ചടിയാണ്. അത്തരമൊരു തീരുമാനത്തിന്റെ കാരണങ്ങളെക്കുറിച്ച് സര്‍ക്കാര്‍ ഏജന്‍സികള്‍ ജീവനക്കാരെ ബോധവത്കരിക്കണമെന്നും മനോവീര്യം നിലനിര്‍ത്തുന്നതിനുള്ള ബദല്‍ പ്രോത്സാഹനങ്ങള്‍ ആലോചിക്കണമെന്നും ആവശ്യം ഉയര്‍ന്നിട്ടുണ്ട്.

Kuwait End Conversion of Sick Leave to Regular Leave or Cash