പത്തനംതിട്ട: ചങ്ങനാശ്ശേരിയിൽ മയക്കുമരുന്ന് ഗുളികകളുമായി ഒരാളെ എക്സൈസ് പിടികൂടി. ചങ്ങനാശ്ശേരി വാഴപ്പള്ളി പടിഞ്ഞാറ് സ്വദേശിയായ അജീബ്.എച്ച് (44) ആണ് 26.8416 ഗ്രാം നൈട്രോസെപാം എന്ന അത്യന്തം അപകടകാരിയായ ലഹരി ഗുളികകളുമായി പിടിയിലായത്. 

ചങ്ങനാശ്ശേരി എക്സൈസ് റേഞ്ച് ഇൻസ്‌പെക്ടർ പ്രമോദ്.ടി.എസ്സും പാർട്ടിയും ചേർന്നാണ് കേസ് പിടികൂടിയത്. സംഘത്തിൽ അസിസ്റ്റന്റ് എക്‌സൈസ് ഇൻസ്‌പെക്ടർ (ഗ്രേഡ്) ആന്റണി മാത്യു, സിവിൽ എക്‌സൈസ് ഓഫീസർമാരായ രതീഷ്.കെ.നാണു, ഷഫിൽ.പി.ഷൗക്കത്ത്, അജിത്.എസ്.നായർ എന്നിവരും പങ്കെടുത്തു.