റിയാദ്: സഊദി അറേബ്യ ഇലക്ട്രിക് മോട്ടോർ സൈക്കിളുകൾ നിർമ്മിക്കുന്ന ആദ്യത്തെ ഫാക്ടറി തുടങ്ങാനൊരുങ്ങുന്നു. സഊദി ആസ്ഥാനമായി പ്രവർത്തിക്കുന്ന വീഗോ ഗ്രൂപ്പ് ചൈനീസ് കമ്പനിയുമായി സഹകരിച്ച് സ്ഥാപിക്കുന്ന ഫാക്ടറി  2026ഓടെ നിലവിൽ വരും. റിയാദിലെ വ്യാവസായിക നഗരത്തിലായിരിക്കും ഫാക്ടറി സ്ഥാപിക്കുക. ഫാക്ടറിയിൽ പ്രതിവർഷം 5000ത്തിലധികം മോട്ടോർസൈക്കിളുകൾ നിർമിക്കും. നിർമാണം പൂർത്തിയാക്കിയ മോട്ടോർസൈക്കിളുകൾ സഊദി മാർക്കറ്റിൽ ലഭ്യമാക്കുകയും ആഗോള തലത്തിൽ കയറ്റുമതി ചെയ്യുകയും ചെയ്യും. രാജ്യത്തിന്റെ ഉൽപാദനശേഷി വർധിപ്പിക്കുക, യുവജനങ്ങളെ പ്രോത്സാഹിപ്പിക്കുക, ഇറക്കുമതിയെ ആശ്രയിക്കുന്നത് കുറക്കുക, പരിസ്ഥിതി സൗഹൃദമായ വാഹനം ലഭ്യമാക്കുക തുടങ്ങിയ കാര്യങ്ങളാണ് പദ്ധതിയിലൂടെ സഊദി ലക്ഷ്യമിടുന്നത്.

A significant milestone in Saudi Arabia's automotive sector: the kingdom's first electric motorcycle factory is set to launch in Riyadh by 2026, marking a major step towards sustainable transportation.