ഇന്ത്യയുമായുള്ള വനിതകളടെ ട്വന്റി- 20 പരമ്പരയിലെ രണ്ടാം മത്സരത്തില്‍ ഒമ്പത് വിക്കറ്റുകളുടെ മിന്നും വിജയമാണ് വെസ്റ്റിഡീസ് സ്വന്തമാക്കിയത്. മത്സരത്തില്‍ ആദ്യം ബാറ്റ് ചെയ്ത ഇന്ത്യ 20 ഓവറില്‍ ഒമ്പത് വിക്കറ്റ് നഷ്ടത്തില്‍ 159 റണ്‍സാണ് നേടിയത്. മറുപടി ബാറ്റിങ്ങിനിറങ്ങിയ വിന്‍ഡീസ് 15.4 ഓവറില്‍ ഒരു വിക്കറ്റ് നഷ്ടത്തില്‍ വിജയലക്ഷ്യം മറികടക്കുകയായിരുന്നു. 

മത്സരം ഇന്ത്യ പരാജയപ്പെട്ടെങ്കിലും ചരിത്ര റെക്കോര്‍ഡാണ് സ്മൃതി മന്ദാന നേടിയത്. മത്സരത്തില്‍ നേടിയ അര്‍ധസെഞ്ചുറിയോടെ വനിതാ ട്വന്റി ട്വന്റിയില്‍ ഏറ്റവും കൂടുതല്‍ ഫിഫ്റ്റി നേടുന്ന താരമായി സ്മൃതി മാറി. മത്സരത്തില്‍ 41  പന്തില്‍ 62  റണ്‍സാണ് നേടിയത്. ഒമ്പത് ഫോറുകളും ഒരു സിക്‌സും അടങ്ങുന്നതായിരുന്നു സ്മൃതിയുടെ ഇന്നിംഗ്‌സ്. 

വനിതാ ട്വന്റി ട്വന്റി ക്രിക്കറ്റിലെ സ്മൃതിയുടെ ഇരുപത്തി ഒമ്പതാം സെഞ്ച്വറി ആണിത്.  28 സെഞ്ചുറികള്‍ നേടിയ ന്യൂസിലാന്‍ഡ് താരം സൂസി ബെറ്റ്‌സ് ആയിരുന്നു ഇതിനു മുമ്പ് ഈ നേട്ടത്തില്‍ ഉണ്ടായിരുന്നത്. 28 സെഞ്ചുറികളാണ് സൂസി ബെറ്റ്‌സ് വിമണ്‍സ് ടി20യില്‍ നേടിയത്. 23 സെഞ്ചുറികള്‍ നേടിയ ഓസ്‌ട്രേലിയയുടെ ബേത്ത് മൂണി മൂന്നാമതും 22 സെഞ്ചുറികള്‍ നേടിയ ഇംഗ്ലണ്ടിന്റെ സാറ ടെയ്‌ലര്‍ നാലാം സ്ഥാനത്തുമാണ് ഉള്ളത്. 21 സെഞ്ചുറികളുമായി കിവീസ് താരം സോഫി ഡെവിനുമാണ് അഞ്ചാം സ്ഥാനത്തുള്ളത്. 

മത്സരത്തില്‍ വെസ്റ്റ് ഇന്‍ഡീസിനായി ക്യാപ്റ്റന്‍ ഹെയ്‌ലി മാത്യൂസ് 47 പന്തില്‍ 87 റണ്‍സ് നേടി മികച്ച പ്രകടനം നടത്തി. 17 ഫോറുകളാണ് ഹെയ്‌ലി അടിച്ചെടുത്തത്. ഈ തകര്‍പ്പന്‍ വിജയത്തോടെ മൂന്നു മത്സരങ്ങളുടെ പരമ്പരയില്‍ 11 എന്ന നിലയില്‍ ഇന്ത്യക്കൊപ്പമെത്താനും വിന്‍ഡീസിന് സാധിച്ചു. നാളെയാണ് പരമ്പരയിലെ അവസാന മത്സരം നടക്കുന്നത്. ഈ മത്സരത്തില്‍ വിജയിക്കുന്നവര്‍ സീരിസ് സ്വന്തമാക്കും.

Smriti Mandhana holds her head high despite losing, breaking a record