മെൽബൺ: ഇന്ത്യ-ഓസ്ട്രേലിയ നാലാമത്തെ ടെസ്റ്റ് മത്സരം നാലാം ദിവസത്തിലേക്ക് കടന്നിരിക്കുകയാണ്. ഒന്നാം ഇന്നിഗ്‌സിൽ ഇന്ത്യ 369 റൺസിനാണ് പുറത്തായത്. ഓസ്‌ട്രേലിയൻ ബൗളിങ്ങിൽ പാറ്റ് കമ്മിൻസ്, സ്കോട്ട് ബോളണ്ട്, നഥാൻ ലിയോൺ എന്നിവർ മൂന്ന് വിക്കറ്റുകളാണ്‌ വീഴ്ത്തിയത്. നഥാൻ ലിയോൺ മൂന്ന് വിക്കറ്റുകൾ നേടിയതോടെ ഇന്റർനാഷണൽ ക്രിക്കറ്റിൽ ഇന്ത്യക്കെതിരെ ഏറ്റവും കൂടുതൽ വിക്കറ്റുകൾ നേടിയ താരങ്ങളുടെ പട്ടികയിലേക്ക് മൂന്നാം സ്ഥാനത്തേക്ക് ഉയർന്നിരിക്കുകയാണ്. അന്താരാഷ്ട്ര ക്രിക്കറ്റിൽ ഇതുവരെ 131 വിക്കറ്റുകളാണ്‌ ലിയോൺ നേടിയിട്ടുള്ളത്. 

ഇന്ത്യക്കെതിരെ 129 വിക്കറ്റുകൾ നേടിയ ഇമ്രാൻ ഖാനെ മറികടന്നാണ് ലിയോൺ മൂന്നാം സ്ഥാനത്തേക്ക് മുന്നേറിയത്. ൧൭൯ വിക്കറ്റുകളുമായി മുത്തയ്യ മുരളീധരനും 189 വിക്കറ്റുകളുമായി ജെയിംസ് ആൻഡേഴ്സണും രണ്ടും ഒന്നും സ്ഥാനങ്ങളിൽ ഉണ്ട്. 

ഇന്ത്യൻ ബാറ്റിംഗിൽ നിതീഷ് കുമാർ റെഡ്ഢി സെഞ്ച്വറി നേടി. 189 പന്തിൽ 114 റൺസാണ് നിതീഷ് നേടിയത്. 11 ഫോറുകളും ഒരു സിക്സുമാണ് നിതീഷ്  നേടിയത്. യശ്വസി ജെയ്‌സ്വാൾ 118 പന്തിൽ 82 റൺസ് ആണ് ജെയ്‌സ്വാൾ നേടിയത്. 11 ഫോറുകളും ഒരു സിക്‌സും അടങ്ങുന്നതാണ് താരത്തിന്റെ ഇന്നിംഗ്സ്. വാഷിംഗ്ടൺ സുന്ദർ 162 പന്തുകളിൽ നിന്നും 50 റൺസാണ് വാഷിംഗ്ടൺ നേടി.