റിയാദ്: കിങ് ഖാലിദ് അന്താരാഷ്ട്ര വിമാനത്താവളത്തില്‍ ഇന്ന് മുതല്‍ ടെര്‍മിനല്‍ മാറ്റം. ഇന്ന് (തിങ്കള്‍) ഉച്ചയ്ക്ക് 12 മുതലാണ് ടെര്‍മിനല്‍ മാറ്റം. എയര്‍ ഇന്ത്യ, ഇന്‍ഡിഗോ അടക്കമുള്ള 14 വിദേശ വിമാന കമ്പനികളുടെ സര്‍വിസുകളാണ് രണ്ടാം നമ്പര്‍ ടെര്‍മിനലില്‍ നിന്ന് മാറ്റിയത്. 

രണ്ടാം നമ്പര്‍ ടെര്‍മിനലില്‍ നിന്നും മൂന്നാം നമ്പര്‍ ടെര്‍മിനലിലേക്കാണ് ഈ കമ്പനികളുടെ സര്‍വിസുകള്‍ മാറ്റുന്നതെന്ന് റിയാദ് എയര്‍പോര്‍ട്ട് അറിയിച്ചിരുന്നു. നേരത്തെ ടെര്‍മിനല്‍ രണ്ടില്‍ നിന്നായിരുന്നു ഈ വിമാനങ്ങള്‍ സര്‍വിസ് നടത്തിയിരുന്നത്. 

എമിറേറ്റ്‌സ്, സെരീന്‍ എയര്‍, ജസീറ എയര്‍വെയ്‌സ്, കുവൈത്ത് എയര്‍വെയ്‌സ്, ഈജിപ്ത് എയര്‍, സലാം എയര്‍, ഗള്‍ഫ് എയര്‍, ബ്രിട്ടിഷ് എയര്‍വെയ്‌സ്, പെഗാസസ് എയര്‍ലൈന്‍സ്, ഫിലിപ്പൈന്‍ എയര്‍ലൈന്‍സ്, യെമന്‍ എയര്‍വെയ്‌സ്, കെഎഎം എയര്‍ തുടങ്ങിയ വിമാന കമ്പനികളുടെ സര്‍വിസുകളാണ് മൂന്നാമത്തെ ടെര്‍മിനലിലേക്ക് മാറ്റുന്നത്. 

Riyadh Airport has announced a terminal shift, with Air India and IndiGo flights now operating from Terminal 3, effective immediately, to enhance passenger experience and streamline airport operations.