ന്യൂഡല്‍ഹി: കാവേരി നദീജല തര്‍ക്ക വിഷയത്തില്‍ കര്‍ണാടകയ്ക്ക് സുപ്രിം കോടതിയുടെ രൂക്ഷ വിമര്‍ശനം. ജീവിക്കൂ, ജീവിക്കാന്‍ അനുവദിക്കൂ എന്ന തത്വം എപ്പോഴും മനസിലുണ്ടാവണമെന്ന് കോടതി ഓര്‍മ്മിപ്പിച്ചു. രണ്ടു സംസ്ഥാനങ്ങളും ഐക്യത്തോടെ ജീവിക്കണം.


കവേരി നദിയില്‍നിന്നു ജലം വിട്ടുനല്‍കുന്നതുമായുള്ള വിഷയത്തില്‍ തമിഴ്‌നാടിന്റെ ഹരജി പരിഗണിക്കുകയായിരുന്നു കോടതി.


സംസ്ഥാനത്തു ജലക്ഷാമമാണെന്നും വെള്ളം വിട്ടുനല്‍കാന്‍ കഴിയില്ലെന്നും കര്‍ണാടക കോടതിയില്‍ ബോധിപ്പിച്ചു.


എന്നാല്‍ തമിഴ്‌നാടിനു വെള്ളം വിട്ടുനല്‍കാന്‍ കര്‍ണാടക തയാറാകണമെന്നു കോടതി പറഞ്ഞു. വെള്ളം വിട്ടുകൊടുക്കാന്‍ തീരുമാനിച്ചത് ട്രൈബ്യൂണലാണ്. ആ ഉത്തരവ് കര്‍ണാടകയ്ക്ക് ധിക്കരിക്കാനാവില്ലെന്നും കോടതി ചൂണ്ടിക്കാട്ടി


 
ചീഫ് ജസ്റ്റിസ് ടിഎസ് ഠാക്കൂറിന്റെ നേതൃത്വത്തിലുള്ള മൂന്നംഗ ബഞ്ചാണ് ഹരജി പരിഗണിച്ചത്.