ന്യൂഡല്‍ഹി: ചൈനയില്‍ വ്യാപകമായി പടരുന്ന ഹ്യൂമന്‍ മെറ്റന്യൂമോവൈറസ് (എച്ച്.എം.പി.വി) ബാധയില്‍ രണ്ടാമത്തെ കേസും രാജ്യത്ത് സ്ഥിരീകരിച്ചു. രണ്ട് കേസുകളും ബംഗളൂരുവിലാണ്സ്ഥിരീകരിച്ചതെന്നാണ് റിപ്പോര്‍ട്ട്. എട്ടുമാസം പ്രായമുള്ള ആണ്‍കുഞ്ഞിനായിരുന്നു വൈറസ് ബാധ ആദ്യം സ്ഥിരീകരിച്ചത്. ബംഗളൂരുവില്‍ സ്വകാര്യ ആശുപത്രിയില്‍ ചികിത്സയിലായിരുന്നു കുട്ടി. കടുത്ത പനിയും ജദലദോഷവും അനുഭവപ്പെട്ടതിനെ തുടര്‍ന്നാണ് കുഞ്ഞിനെ ആശുപത്രിയില്‍ പ്രവേശിപ്പിച്ചത്. കുട്ടിയുടെ നില ഗുരുതരമല്ല. പിന്നാലെ കര്‍ണാടകയില്‍ മറ്റൊരു കുഞ്ഞിനും വൈറസ് ബാധ കണ്ടെത്തുകയായിരുന്നു. രണ്ടാമത്തെ കേസിന്റെ വിശദാംശങ്ങള്‍ പുറത്തുവിട്ടിട്ടില്ല. മൂന്നു മാസം പ്രായമുള്ള കുട്ടിക്കാണ് വൈറസ് ബാധ കണ്ടെത്തിയതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. രണ്ട് കുട്ടികളുടേയും കുടുംബങ്ങള്‍ക്ക് ട്രാവല്‍ ഹിസ്റ്ററി ഇല്ല. എവിടെ നിന്നാണ് രോഗബാധയുണ്ടായതെന്ന് നിരീക്ഷിച്ചു വരികയാണ്. 

രണ്ടു കേസ് കണ്ടെത്തിയതായി കേന്ദ്ര ആരോഗ്യമന്ത്രാലയവും അറിയിച്ചു. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ (ഐസിഎംആര്‍) പതിവ് നിരീക്ഷണത്തിലാണ് എച്ച്.എം.പി.വി കേസുകള്‍ തിരിച്ചറിഞ്ഞതെന്നും ആരോഗ്യ മന്ത്രാലയം അറിയിച്ചു. രോഗത്തിന്റെ ഉറവിടം സംബന്ധിച്ച് പരിശോധിക്കുകയാണെന്ന് കര്‍ണാടക ആരോഗ്യ വകുപ്പ് അറിയിച്ചു.

എച്ച്.എം.പി.വി പ്രതിരോധിക്കാന്‍ ഇന്ത്യ സുസജ്ജമെന്ന് കഴിഞ്ഞ ദിവസം കേന്ദ്ര ആരോഗ്യ മന്ത്രാലയം വ്യക്തമാക്കിയിരുന്നു. സ്ഥിതിഗതികള്‍ വിലയിരുത്താന്‍ ആരോഗ്യ മന്ത്രാലയത്തിന്റെ മേല്‍നോട്ടത്തില്‍ ചേര്‍ന്ന സംയുക്ത മോണിറ്ററിങ് ഗ്രൂപ്പ് യോഗം ചേര്‍ന്നിരുന്നു. എച്ച്.എം.പി.വി കേസുകളില്‍ ആശങ്കപ്പെടേണ്ട സാഹചര്യമില്ലെന്ന് നാഷനല്‍ സെന്റര്‍ ഫോര്‍ ഡിസീസ് കണ്‍ട്രോള്‍ അറിയിക്കുന്നത്.

India has reported its second case of Human Metapneumovirus (HMPV) in Bengaluru, Karnataka. The first case involved an eight-month-old baby who was hospitalized with high fever and respiratory distress. The child's condition is reportedly stable.