അബൂദബിയിലെ മൂന്ന് ഇടങ്ങളിലായി നടന്ന എട്ടാമത്‌ മദർ ഓഫ് ദി നേഷൻ ഫെസ്റ്റിവലിൽ ആകെ 259,000-ൽ പരം സന്ദർശകരെത്തിയെന്ന് അധികൃതർ അറിയിച്ചു. അബൂദബി മീഡിയ ഓഫീസ് ഇക്കാര്യം അറിയിച്ചത്.

2024 നവംബർ 28 മുതൽ ഡിസംബർ 31 വരെ മൂന്ന് വേദികളിലായാണ് മദർ ഓഫ് ദി നേഷൻ ഫെസ്റ്റിവലിന്റെ എട്ടാം പതിപ്പ് സംഘടിപ്പിച്ചത്. മദർ ഓഫ് ദി നേഷൻ ഫെസ്റ്റിവലിന്റെ ചരിത്രത്തിലെ തന്നെ ഏറ്റവും വലിയ പരിപാടിയായിരുന്നു ഇത്തവണത്തേത്.

അൽ ദഫ്‌റയിലെ അൽ മുഗേയ്രാഹ് ബേ, അൽ ഐൻ, അബൂദബി കോർണിഷ് എന്നിവിടങ്ങളിലായിരുന്നു എട്ടാമത്‌ മദർ ഓഫ് ദി നേഷൻ ഫെസ്റ്റിവൽ സംഘടിപ്പിച്ചത്. ‘ഔട്ട് ഓഫ് ദിസ് വേൾഡ്’ എന്ന ആശയത്തിലൂന്നിയായിരുന്നു ഇത്തവണ മേളയുടെ സംഘാടനം.

അബൂദബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസമാണ് (DCT) മദർ ഓഫ് ദി നേഷൻ ഫെസ്റ്റിവൽ സംഘടിപ്പിക്കുന്നത്. യുഎഇയിലെ വലിയ സാംസ്‌കാരിക മേളകളിലൊന്നാണ് ഇത്.

The Mother of the Nation Festival in Abu Dhabi welcomed over 2.5 lakh visitors, celebrating the country's rich heritage and culture.