എറണാംകുളം: ചാനൽ ചർച്ചകളിൽ ഹണി റോസിനെതിരെ നടത്തിയ മോശം പരാമർശത്തിൽ രാഹുൽ ഈശ്വറിനെതിരെ പരാതി. തൃശൂർ സ്വദേശി സലീം ആണ് പരാതി നൽകിയത്. എറണാംകുളം സെൻട്രൽ പൊലിസിനാണ് പരാതി നൽകിയത്. ഇതിന്റെ ഭാഗമായി നടപടി ഉടൻ ഉണ്ടായേക്കുമെന്നാണ് പ്രതീക്ഷിക്കുന്നത്. 

രാഹുല്‍ ഈശ്വറിനെതിരെ ഹണി റോസ് നൽകിയ പരാതിയില്‍ പൊലിസ് ഇന്ന് കേസെടുക്കുമെന്നാണ് പ്രതീക്ഷിക്കുന്നത്. ഹണി റോസിന്റെ പരാതിയില്‍ പൊലിസ് നടപടി ഊര്‍ജ്ജിതമാക്കിയിട്ടുണ്ട്. ഇന്നലെ എറണാകുളം സെന്‍ട്രല്‍ പൊലിസ് സ്റ്റേഷനില്‍ നേരിട്ട് എത്തിയായിരുന്നു ഹണി റോസ് രാഹുല്‍ ഈശ്വറിനെതിരെ പരാതി നല്‍കിയത്. മുന്‍കൂര്‍ ജാമ്യത്തിനായുള്ള നീക്കങ്ങള്‍ രാഹുൽ ഈശ്വർ ആരംഭിച്ചുവെന്നാണ് വിവരങ്ങൾ.