ഷാർജ: ഷാർജ നിവാസികൾക്ക് ആഢംബര കാറുകളിൽ ഡ്രൈവിങ് പരിശീലനത്തിന് അവസരം. ഷാർജ പൊലിസിന്റെ കീഴിലുള്ള ഡ്രൈവിങ് ഇൻസ്‌റ്റിറ്റ്യൂട്ടിലാണ് പ്രീമിയം സർവീസ് ആരംഭിച്ചത്.

 

 

 

 

 

View this post on Instagram

 

 

 

 

 

 

 

 

 

 

 

A post shared by شرطة الشارقة (@shjpolice)

ഉപഭോക്താക്കൾക്ക് നിലവാരമുള്ള സേവനങ്ങൾ നൽകുന്നതിന്റെ ഭാഗമായാണ് ഈ നടപടിയെന്ന് ഷാർജ പൊലിസിലെ ഡ്രൈവർ ലൈസൻസിങ് ആൻഡ് വെഹിക്കിൾ ഡയറക്‌ടർ കേണൽ ഖാലിദ് മുഹമ്മദ് അൽകായ് അറിയിച്ചു. ഏറ്റവും ഉയർന്ന ആഗോള സുരക്ഷാ മാനദണ്ഡങ്ങൾ പാലിക്കുന്നതിനൊപ്പം തന്നെ ഏറ്റവും പുതിയ പരിശീലന രീതികളും ഉൾക്കൊള്ളിച്ചാണ് ആഡംബര വാഹനങ്ങളിലെ ഡ്രൈവിംഗ് പരിശീലനമെന്ന് ഷാർജ ഡ്രൈവിംഗ് ഇൻസ്റ്റിറ്റൂട്ട് സിഇഒ തരെക് അബ്ദുൾറഹ്മാൻ അൽ സലേഹ് വ്യക്തമാക്കി. ഈ മേഖലയിൽ വിപുലമായ അനുഭവപരിചയമുള്ള പ്രൊഫഷണൽ ഇൻസ്ട്രക്ടർമാരുടെ മേൽനോട്ടത്തിലായിരിക്കും ഡ്രൈവിങ് പരിശീലനം നൽകുന്നതെന്നും അദ്ദേഹം കൂട്ടിച്ചേർത്തു.

ഇത് കൂടാതെ, പ്ലാറ്റിനം ലീഡർഷിപ് കോഴ്സസ്‌, ഗോൾഡൻ ലീഡർഷിപ് കോഴ്‌സ്, സിൽവർ ലീഡർഷിപ് കോഴ്സ്, വനിതകൾക്കായുള്ള ഗോൾഡൻ ലീഡർഷിപ് കോഴ്സ് എന്നീ ഡ്രൈവിങ് കോഴ്സുകളും ആരംഭിച്ചിട്ടുണ്ട്.

Sharjah Police have introduced a premium service, offering driving lessons in luxury cars for residents, providing a unique and high-end learning experience.