റിയാദ്: പുതുതായി സ്‌കൂളുകളിൽ ചേർക്കുന്ന വിദ്യാർഥികൾക്ക് മെഡിക്കൽ പരിശോധന നിർബന്ധമാക്കി സഊദി. കിൻ്റർ ​ഗാർട്ടൻ തലത്തിലും, എലിമെൻ്ററി, ഒന്നാം ക്ലാസിലും പുതുതായി ചേർക്കുന്ന വിദ്യാർഥികൾക്കാണ് മെഡിക്കൽ പരിശോധന നിർബന്ധമാക്കുക. അടുത്ത അധ്യയന വർഷം മുതലാകും പരിശോധന നിർബന്ധമാക്കുക. പരിശോധനക്ക് ശേഷമായിരിക്കും പൊതു വിദ്യാഭ്യാസമാണോ, സ്പെഷ്യൽ വിദ്യാഭ്യാസമാണോ നൽകേണ്ടത് എന്ന് തീരുമാനമെടുക്കുക. ആരോഗ്യ മന്ത്രാലയവുമായി സഹകരിച്ചു കൊണ്ടാണ് പദ്ധതി നടപ്പാക്കുന്നത്. സഊദിയിലെ എല്ലാ പ്രവിശ്യകളിലും നിയമം ബാധകമാകും. വിദ്യാർഥികളുടെ ആരോഗ്യ പ്രശ്നങ്ങൾ നേരത്തെ കണ്ടെത്തുക, വിദ്യാർത്ഥികളുടെ ആരോഗ്യം സംരക്ഷിക്കുക, വിദ്യാഭ്യാസ സുരക്ഷ ഉറപ്പാക്കുക എന്നിവയാണ് പദ്ധതി ലക്ഷ്യമിടുന്നത്.

Saudi Arabia has made medical examinations mandatory for new students enrolling in schools.