വില്ല്യാപ്പള്ളി: വിദ്യാലങ്ങള്‍ പൂര്‍ണമായും അത്യാധുനിക ഭൗതിക സാഹചര്യങ്ങളിലേക്കു മാറണമെന്ന് പാറക്കല്‍ അബ്ദുല്ല എം.എല്‍.എ പറഞ്ഞു. എം.സി.എം.യു.പി സ്‌കൂളിലെ സ്മാര്‍ട്ട് ക്ലാസ്‌റൂം ഉദ്ഘാടനം ചെയ്യുകയായിരുന്നു അദ്ദേഹം. നവീകരിച്ച ഓഡിറ്റോറിയത്തിന്റെ ഉദ്ഘാടനം പഞ്ചായത്ത് പ്രസിഡന്റ് കെ.കെ മോഹനന്‍ നിര്‍വഹിച്ചു.
'ഒരുമിച്ചിരിക്കാം, മിടുക്കരാക്കാം' പദ്ധതിയുടെ പ്രഖ്യാപനം തോടന്നൂര്‍ എ.ഇ.ഒ എ. പ്രദീപ്കുമാര്‍ നടത്തി. വിജയികള്‍ക്കുള്ള അനുമോദനം ആര്‍. യൂസുഫ് ഹാജി നിര്‍വഹിച്ചു. ഇ. തറുവൈയി ഹാജി അധ്യക്ഷനായി. എം.എല്‍.എക്കുള്ള ഉപഹാര സമര്‍പണം അലിഫ് ഖത്തര്‍ കമ്മിറ്റി കണ്‍വീനര്‍ റഹീം നിര്‍വഹിച്ചു. കൊടക്കലാണ്ടി കൃഷ്ണന്‍, കാര്യാട്ട് കുഞ്ഞമ്മദ് മാസ്റ്റര്‍, കക്കാട്ട് അബ്ദുല്‍ അസീസ്, തയ്യില്‍ കുഞ്ഞബ്ദുല്ല ഹാജി, നാസര്‍ നീലിമ, നൗഷാദ് തയ്യില്‍, ഹാജറ, തൈക്കുറ്റി ഉസ്മാന്‍ ഹാജി, നാസര്‍, കെ. പ്രേമലത, ടി.പി ഹസ്സന്‍ സംസാരിച്ചു.