വടകര: അടക്കാതെരുവ് ജങ്ഷനില്‍ സിഗ്നല്‍ മറികടന്നെത്തിയ മാരുതി കാര്‍ ബൈക്കുകളിലിടിച്ചു രണ്ടുപേര്‍ക്കു പരുക്ക്. ബൈക്ക് യാത്രികരായ തിരുവമ്പാടി പിലാതോട്ടത്തില്‍ ഷിജിന്‍(26), പാലക്കാട് ഉമ്മനയില്‍ മന്തത്ത്പറമ്പില്‍ ഉമേഷ്(39) എന്നിവര്‍ക്കാണു പരുക്കേറ്റത്. ഇരുവരെയും വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇന്നലെ വൈകിട്ടാണു സംഭവം. ബൈക്ക് വടകര പഴയ സ്റ്റാന്‍ഡ് റോഡിലേക്ക് കടക്കുന്നതിനിടെ കോഴിക്കോട് ഭാഗത്തു നിന്നു വന്ന മാരുതി കാര്‍ സിഗ്നല്‍ തെറ്റിച്ച് ഇടിക്കുകയായിരുന്നു. ഇടിയേറ്റ ബൈക്ക് നിയന്ത്രണം വിട്ടു മറ്റൊരു ബൈക്കില്‍ ഇടിക്കുകയും കാര്‍ സിഗ്നല്‍ പോസ്റ്റിന്റെ ഡിവൈഡറിലിടിച്ച് റോഡിന് താഴേക്കു തെറിക്കുകയും ചെയ്തു.
കാറിലുണ്ടായിരുന്നവര്‍ ഓടിരക്ഷപ്പെട്ടു. വടകര പൊലിസ് സ്ഥലത്തെത്തി മേല്‍ നടപടികള്‍ സ്വീകരിച്ചു.