നാഗ്പൂർ: രഞ്ജി ട്രോഫിയിൽ ക്വാർട്ടർ ഫൈനലിൽ വിദർഭക്ക് വേണ്ടി സെഞ്ച്വറി നേടി തിളങ്ങി കരുൺ നായർ. തമിഴ്നാടിനെതിരെയാണ് കരുൺ സെഞ്ച്വറി നേടിയത്. മത്സരത്തിൽ 180 പന്തിൽ 100 റൺസ് നേടിയാണ് കരുൺ നായർ ക്രീസിൽ തുടരുന്നത്. 14 ഫോറുകളും ഒരു സിക്സുമാണ് താരം ഇതുവരെ നേടിയിട്ടുള്ളത്. 

കരുൺ നായർ സമീപകാലങ്ങളിൽ തകർപ്പൻ പ്രകടനങ്ങളാണ് നടത്തിക്കൊണ്ടിരിക്കുന്നത്. അടുത്തിടെ അവസാനിച്ച വിജയ് ഹസാരെ ട്രോഫിയിൽ വിദർഭയെ ഫൈനൽ വരെ എത്തിക്കുന്നതിൽ നിർണായകമായ പങ്കായിരുന്നു കരുൺ വഹിച്ചത്.

ടൂർണമെന്റിൽ 779 റൺസാണ് കരുൺ അടിച്ചെടുത്തത്. അഞ്ചു സെഞ്ച്വറികളാണ് താരം ടൂർണമെന്റിൽ നേടിയത്. ഈ അവിശ്വസനീയ പ്രകടനങ്ങൾക്ക് പിന്നാലെ താരം ഇന്ത്യൻ ടീമിൽ വീണ്ടും ഇടം നേടുമെന്ന വാർത്തകൾ ശക്തമായി നിലനിന്നിരുന്നു. എന്നാൽ താരത്തെ ബിസിസിഐ പരിഗണിക്കാതെ പോവുകയായിരുന്നു. 

മത്സരത്തിന്റെ ആദ്യ ദിവസം കളി നിർത്തുമ്പോൾ തമിഴ്നാട് ആറ് വിക്കറ്റ് നഷ്ടത്തിൽ 264 റൺസ് എന്ന നിലയിലാണുള്ളത്. ഡാനിഷ് മാലേവാർ അർദ്ധ സെഞ്ച്വറിയും നേടി മികച്ച പ്രകടനം നടത്തി. 119 പന്തിൽ 75 റൺസാണ് താരം നേടിയത്. ധ്രുവ് ഷോറെ 51 പന്തിൽ 26 റൺസും അക്ഷയ് വദ്കർ 86 പന്തിൽ 24 റൺസും നേടി.