കല്‍പറ്റ: വയനാട് പാടിവയലില്‍ നടുറോഡില്‍ കാട്ടാന ഇറങ്ങി. റോഡിലൂടെ യാത്ര ചെയ്തിരുന്ന സ്‌കൂട്ടര്‍ യാത്രക്കാരി തലനാരിഴയ്ക്കാണ് രക്ഷപ്പെട്ടത്. മേപ്പാടി സ്വകാര്യമെഡിക്കല്‍ കോളജിലെ ജീവനക്കാരിയായ മുര്‍ഷിദയാണ് രക്ഷപ്പെട്ടത്. നൈറ്റ് ഡ്യൂട്ടിക്കായി പോകവേയാണ് മുര്‍ഷിദ കാട്ടാനയുടെ മുന്നില്‍ പെട്ടത്.

വളവു തിരിയുമ്പോള്‍ കാട്ടാനയുടെ മുന്നില്‍ പെടുകയായിരുന്നു. വണ്ടി വെട്ടിച്ചു മുന്നോട്ടു പോയതു കൊണ്ടും കാട്ടാന പിന്നാലെ വരാതിരുന്നതും രക്ഷയായി. അപൂര്‍വമായി ഈ പ്രദേശത്ത് ആന ഇറങ്ങാറുണ്ടെന്ന് നാട്ടുകാര്‍ പറയുന്നു.