കൊച്ചി: ഫോർട്ട് കൊച്ചിയിൽ റോഡ് മുറിച്ചു കടന്ന വൃദ്ധയെ സ്കൂട്ടർ ഇടിച്ച ശേഷം നിർത്താതെ പോയ കേസിൽ രണ്ട് പേർ അറസ്റ്റിലായി. ഫോർട്ടുകൊച്ചി സ്വദേശികളായ ഡിസ്മോൻ, അലോക്ക് എന്നിവരാണ് അറസ്റ്റിലായത്. സംഭവത്തിൻ്റെ സിസിടിവി ദൃശ്യങ്ങൾ പുറത്തുവന്നിരുന്നു. പറവൂർ സ്വദേശി വസന്ത എന്ന വൃദ്ധയെയാണ് വാഹനമിടിച്ച് നിർത്താതെ പോയത്. വാഹനമിടിച്ച ശേഷം ഇവർ നിർത്താതെ പോവുകയായിരുന്നു. പ്രതികൾക്ക് ലൈസൻസ് ഇല്ലായിരുന്നു. അമിത വേഗതയിലായിരുന്നു വാഹനമെന്നും പൊലീസ് വ്യക്തമാക്കി.