അഞ്ചരക്കണ്ടി: എസ്.വൈ.എസ് ചക്കരക്കല്‍ മണ്ഡലം പ്രവര്‍ത്തന ക്യാംപും ജില്ലാ നേതാക്കള്‍ക്ക് സ്വീകരണവും അഞ്ചരക്കണ്ടി ശംസുല്‍ ഉലമ അറബിക് കോളജില്‍ നടത്തി. മജ്‌ലിസുന്നൂര്‍ ജില്ലാ അമീര്‍ ശരീഫ് ബാഖവി ഉദ്ഘാടനം ചെയ്തു. സിദ്ധീഖ് ഫൈസി വെണ്‍മണല്‍ അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അഹ്മദ് തേര്‍ളായി, ജില്ലാ സെക്രട്ടറി ഇബ്രാഹിം ബാഖവി പൊന്ന്യം എന്നിവര്‍ വിവിധ സെഷനുകളില്‍ വിഷയമവതരിപ്പിച്ചു. ജില്ലാ ട്രഷറര്‍ ഉസ്മാന്‍ ഹാജി വേങ്ങാട്, അബ്ദുല്‍ ഖാദര്‍ അല്‍ഖാസിമി നമ്പ്രം, ഫത്താഹ് ദാരിമി, ഇബ്രാഹിം എടവച്ചാല്‍, അബൂബക്കര്‍ സംസാരിച്ചു.