മുംബൈ: ഐപിഎൽ 2025 സീസൺ മാര്‍ച്ച് 22ന് ആരംഭിക്കും. ബെംഗളൂരു റോയല്‍ ചലഞ്ചേഴ്സും നിലവിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്സും തമ്മിലാണ് ആദ്യ മത്സരം. കൊല്‍ക്കത്തയിലാണ് മത്സരം. മാര്‍ച്ച് 23ന് ടൂര്‍ണമെന്‍റിലെ ഏറ്റവും ആവേശകരമായ മത്സരങ്ങളിലൊന്നായ മുംബൈ ഇന്ത്യൻസ് ചെന്നൈ സൂപ്പര്‍ കിംഗ്സ് മത്സരം നടക്കും. ചെന്നൈയിലാണ് മത്സരം.

പിന്നീട്, ഏപ്രില്‍ 20ന് മുംബൈയില്‍ ഇരു ടീമുകളും കൊമ്പുകോർക്കും. ആദ്യ ക്വാളിഫയര്‍ മെയ് 20നും, എലിമിനേറ്റർ മെയ് 21നും, രണ്ടാം ക്വാളിഫയർമെയ് 23നും നടക്കും. മെയ് 25നാണ് ഐപിഎൽ ഫൈനൽ പോരാട്ടം. ക്വാളിഫയര്‍ ഒന്നും എലിമിനേറ്റർ മത്സരവും ഹൈദരാബാദിലും, രണ്ടാം ക്വാളിഫയറും, ഫൈനലും കൊല്‍ക്കത്തയിലുമാണ്.

65 ദിവസങ്ങൾ നീണ്ട സീസണില്‍ 13 വേദികളിലായി 74 മത്സരങ്ങളാണ് ഉള്ളത്. മാര്‍ച്ച് 23ന് ചെന്നൈയും ബംഗളൂരുവും തമ്മിലുള്ള ആദ്യ മത്സരം ചെന്നൈ ചെപ്പോക്ക് സ്റ്റേഡിയത്തിലാണ്. പിന്നീട് മെയ് മൂന്നിന് ചിന്നസ്വാമി സ്റ്റേഡിയത്തില്‍ ഇരു ടീമുകളും വീണ്ടും ഏറ്റുമുട്ടും. ബെംഗളൂരുവും മുംബൈ ഇന്ത്യൻസും തമ്മിലുള്ള ഏക മത്സരം ഏപ്രിൽ ഏഴിന് വാംഖഡെയിൽ നടക്കും. 

The Indian Premier League (IPL) 2025 season is scheduled to start on March 22, with the first match featuring Bengaluru and Kolkata.