മൂന്ന് വർഷത്തിനകം 30 മില്യണിലധികം 500 മില്ലി സിംഗിൾ യൂസ് പ്ലാസ്റ്റിക് വാട്ടർ ബോട്ടിലുകളുടെ ഉപഭോഗം വെട്ടിക്കുറച്ച് ദുബൈ. പ്ലാസ്റ്റിക് മാലിന്യത്തിനെതിരെ പോരാടുന്നതിന് ആരംഭിച്ച ദുബൈ ക്യാൻ റീഫിൽ ഫോർ ലൈഫ് സിറ്റി വൈഡ് സുസ്ഥിരതാ സംരംഭം ഇതിനായി ശ്രദ്ധേയമായ സംഭാവന നൽകിയെന്ന് അധികൃതർ അറിയിച്ചു. 

ദുബൈ 2040 അർബൻ മാസ്റ്റർ പ്ലാനിന് അനുസൃതമായി, യുഎഇയിലുടനീളം സ്ഥാപിച്ചിട്ടുള്ള 53 റീഫിൽ സ്റ്റേഷനുകളിലൂടെ 15 മില്യൺ ലിറ്ററിലധികം കുടിവെള്ളം വിതരണം ചെയ്യാൻ ഈ പദ്ധതിക്ക് സാധിച്ചു. 

ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയും ദുബൈ എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം 2022 ഫെബ്രുവരി 15-ന് ആരംഭിച്ച ദുബൈ കാൻ സംരംഭം, പരിസ്ഥിതി സൗഹൃദ അവബോധം സൃഷ്ടിക്കുക വഴി താമസക്കാരും സന്ദർശകരും ജലാംശം നിലനിർത്തുന്നത് എങ്ങനെയെന്ന് പുനർരൂപകൽപ്പന ചെയ്തു.

Dubai has made significant strides in reducing single-use plastic water bottles, cutting down usage by over 30 million in just three years. This achievement is attributed to the city-wide sustainability initiative, Dubai Can.