പാലക്കാട്: വാളയാർ എക്സൈസ് ചെക്ക്‌പോസ്റ്റിൽ നടന്ന വാഹനപരിശോധനയ്ക്കിടെ 200 മയക്കുമരുന്ന് ഗുളികകളുമായി തമിഴ്നാട് സ്വദേശി അറസ്റ്റിലായി. മടകുർച്ചി സ്വദേശിയായ റിയാസ് അഹമ്മദ് (18) എന്ന യുവാവിനെയാണ് എക്സൈസ് സംഘം പിടികൂടിയത്.

എക്സൈസ് ഇൻസ്പെക്ടർ ജയചന്ദ്രന്റെ നേതൃത്വത്തിൽ നടത്തിയ പരിശോധനയിൽ അസിസ്റ്റന്‍റ് എക്സൈസ് ഇൻസ്പെക്ടർമാരായ മുഹമ്മദ് ഷെരീഫ് പി.എം, പ്രഭ ജി, പ്രിവന്റീവ് ഓഫീസർമാരായ മനോജ് പി.എസ്, കെ.പി രാജേഷ്, സിവിൽ എക്സൈസ് ഓഫീസർ ഉണ്ണികൃഷ്ണൻ എന്നിവരും പങ്കെടുത്തു.

ഇരിങ്ങാലക്കുട ആളൂരിൽ രാസലഹരിയുമായി മൂന്ന് യുവാക്കൾ പിടിയിൽ

തൃശൂർ: സംസ്ഥാന വ്യാപകമായി സംസ്ഥാന പോലീസ് മേധാവി ഡോ. ഷെയ്ഖ് ദർവേഷ് സാഹിബിന്റെ നിർദേശപ്രകാരം നടത്തുന്ന "ഓപ്പറേഷൻ ഡി-ഹണ്ട്" എന്ന മയക്കുമരുന്ന് വിരുദ്ധ നടപടിയുടെ ഭാഗമായി, ഇരിങ്ങാലക്കുട ആളൂരിൽ നിന്നും മൂന്ന് യുവാക്കളെ എം.ഡി.എം.എയുമായി പോലീസ് അറസ്റ്റ് ചെയ്തു.കണ്ണിക്കര ആൽത്തറയിൽ നിന്നും: കടുപ്പശേരി സ്വദേശി ക്രിസ്റ്റോ (21),അവിട്ടത്തൂരിൽ നിന്നും: മനക്കലപ്പടി സ്വദേശി ജെസ്വിൻ (19),പുന്നേലിപ്പടിയിൽ നിന്നും: അവിട്ടത്തൂർ സ്വദേശി ഓസ്റ്റിൻ (19)പ്രത്യേക അന്വേഷണ സംഘത്തിന്റെ നേതൃത്വത്തിൽ നടന്ന റെയ്ഡിൽ പിടിയിലായ ക്രിസ്റ്റോ ആളൂർ പോലീസ് സ്റ്റേഷനിലെ റൗഡിയാണ്. 2024-ൽ ഒരു അടിപിടി കേസിലും ഒരു വധശ്രമ കേസിലും പ്രതിയായിട്ടുണ്ട്.

തൃശൂർ റേഞ്ച് ഡി.ഐ.ജി ഹരിശങ്കർ, തൃശൂർ റൂറൽ എസ്.പി ബി. കൃഷ്ണകുമാർ എന്നിവരുടെ നിർദേശപ്രകാരം നടന്ന അന്വേഷണത്തിൽ ആളൂർ ഇൻസ്‌പെക്ടർ ബിനീഷ് കെ.എം, സബ് ഇൻസ്‌പെക്ടർ രാധാകൃഷ്ണൻ, സ്പെഷ്യൽ ബ്രാഞ്ച് എസ്.ഐ ബാബു ടി.ആർ, സിവിൽ പോലീസ് ഓഫീസർമാരായ അനിൽകുമാർ, സുനീഷ് കുമാർ, നിഖിൽ, ഹോം ഗാർഡ് ഏലിയാസ് എന്നിവരും പങ്കെടുത്തു.