കോഴിക്കോട്: കൊയിലാണ്ടിയിൽ റോഡ് മുറിച്ചുകടക്കുന്നതിനിടെ ബസ് ഇടിച്ച് കാൽനടയാത്രക്കാരൻ മരിച്ചു. പന്തലായനി സ്വദേശി അശോകൻ  ആണ് മരിച്ചത്. കൊയിലാണ്ടി മാർക്കറ്റിന് സമീപം അശോകൻ റോഡ് മുറിച്ചുകടക്കുമ്പോൾ കോഴിക്കോട് ഭാഗത്തേക്ക് പോകുന്ന കൃതിക ബസ് ഇടിച്ചാണ് അപകടം സംഭവിച്ചത്.

അശോകനെ ഉടനെ തന്നെ കൊയിലാണ്ടി താലൂക്ക് ആശുപത്രിയിലേക്ക് കൊണ്ടുപോയെങ്കിലും പിന്നീട് കോഴിക്കോട് മെഡിക്കൽ കോളേജിലേക്ക് മാറ്റി. എന്നാൽ ചികിത്സക്കിടെ മരണപ്പെട്ടു.പോലീസ് സ്ഥലത്തെത്തി പരിശോധന നടത്തുകയും നടപടികൾ കൈക്കൊള്ളുകയും ചെയ്തു.