ആലപ്പുഴ: കായംകുളം പുതുപ്പള്ളിയിൽ മീൻ തൊണ്ടയിൽ കുടുങ്ങിയതിനെ തുടർന്ന് 24കാരന് ദാരുണാന്ത്യം. പുതുപ്പള്ളി സ്വദേശി ആദർശാണ് അപകടത്തിൽ മരിച്ചത്.

കരട്ടി എന്ന മത്സ്യം വായിൽ പിടിക്കാൻ ശ്രമിക്കുന്നതിനിടെയാണ് അത് തൊണ്ടയിൽ കുടുങ്ങിയത്. സുഹൃത്തുക്കളും ബന്ധുക്കളും ചേർന്ന് കുളം വറ്റിച്ച് മീൻ പിടിക്കുന്നതിനിടെയായിരുന്നു അപകടം.

ഉടൻ തന്നെ ആദർശിനെ ഓച്ചിറയിലെ സ്വകാര്യ ആശുപത്രിയിൽ എത്തിച്ചുവെങ്കിലും ചികിത്സ ഫലപ്രദമാകാതെ രാത്രി മരണപ്പെടുകയായിരുന്നു. മൃതദേഹം കായംകുളം താലൂക്ക് ആശുപത്രിയിലേക്ക് മാറ്റി.പ്രയാർവടക്ക് തീയിൽത്തറയിൽ അജയൻ-സന്ധ്യ ദമ്പതികളുടെ മകനാണ് ആദർശ്.