മനാമ: റമദാനിൽ അനധികൃതമായി സാധനങ്ങളുടെ വില വർധിപ്പിക്കുന്ന വ്യാപാരികൾക്ക് കനത്ത താക്കീത് നൽകി വാണിജ്യ, വ്യവസായ മന്ത്രി അബ്‌ദുല്ല ആദിൽ ഫഖ്റു. വിലപരിധി ലംഘിക്കുന്ന വ്യാപാരികൾ നിയമത്തിന്റെ എല്ലാ ശിക്ഷകളും അനുഭവിക്കേണ്ടി വരുമെന്നും, കടകൾ അടച്ച് പൂട്ടേണ്ടിവരുമെന്നും അദ്ദേഹം മുന്നറിയിപ്പ് നൽകി.

രാജ്യത്തെ വിവിധ ഹൈപ്പർമാർക്കറ്റുകൾ സൂപ്പർ മാർക്കറ്റുകളിൽ എന്നിവിടങ്ങളിൽ വാണിജ്യ, വ്യവസായ മന്ത്രിയുടെ നേതത്വത്തിൽ പരിശോധനകൾ നടക്കുന്നു. സർക്കാർ എല്ലാ വാണിജ്യ സ്ഥാപനങ്ങളിലും പരിശോധനകൾ ശക്തമാക്കിയിട്ടുണ്ടെന്നും, അനധികൃത വിലവർധനകൾ നിരീക്ഷിക്കപ്പെടുകയാണെന്നും മന്ത്രി പറഞ്ഞു. നിയമങ്ങൾ പാലിക്കുന്നുവെന്ന് ഉറപ്പാക്കേണ്ടത് ഉദ്യോഗസ്ഥരുടെ ദൗത്യമാണെന്നും, വിൽപ്പനക്ക് മുൻപും ശേഷവും വിലകൾ പരസ്യപ്പെടുത്തിയ വിലകളുമായി പൊരുത്തപ്പെടുന്നുണ്ടോയെന്ന് ഉദ്യോഗസ്ഥർ പ്രത്യേകം പരിശോധിക്കുന്നുവെന്നും അദ്ദേഹം കൂട്ടിച്ചേർത്തു.

എം.പി ഡോ.അലി അൽ നുഐമിയുടെ ചോദ്യത്തിന് പാർലമെന്റിൽ വാണിജ്യ, വ്യവസായ മന്ത്രി അബ്‌ദുല്ല ആദിൽ ഫഖ്റു മറുപടി നൽകി. വിലയിൽ കൃത്രിമം കാണിക്കുന്നവർ വലിയ വില നൽകേണ്ടി വരുമെന്ന് മന്ത്രി വ്യക്തമാക്കി. നിയമം ലംഘിക്കുന്ന വ്യാപാരികൾക്ക് ശക്തമായ ശിക്ഷയും, അടച്ചുപൂട്ടൽ അടക്കം എല്ലാ കേസുകളും നേരിടേണ്ടി വരുമെന്നും അദ്ദേഹം പറഞ്ഞു. അവശ്യ വസ്തുക്കളുടെ ലഭ്യതയും പരിശോധിക്കുന്നതായി മന്ത്രി പറഞ്ഞു. വിപണി നീതിയുക്തമായി നിലനിർത്താനും, വിലക്കയറ്റം തടയാനുമാണ് ഈ നടപടികൾ കർശനമാക്കിയതെന്നും മന്ത്രി പറഞ്ഞു.

Bahrain's Commerce and Industry Minister, Abdulla Adel Fakhro, has warned that those involved in unlawful price hikes during Ramadan will face heavy penalties, including fines and possible shutdowns. Strict market inspections are being carried out across the country to ensure compliance with price regulations and maintain fairness in the market.